Covalima (RCCT) 15-02-21- Responsabilidade Diresaun Transporte no Terrestre (DTT) Municipio Covalima Joaquim Gusmão konsidera DTT Covalima servisu tinan barak ona maibe sira seidauk iha edifisiu rasik hodi atende ba komunidade sira nebe atu mai halo tratamentu ba sira nia documentus kareta no motor.
Tanba ne’e nia dehan laiha edifisiu rasik ne’e difikulta atu halo antedimentu nebe diak no lalais ba kliente utilizadores transporte sira iha Covalima.
” Ami nia difikuldade mak seidauk iha edifisiu rasik atu hodi hala’o ami nia kna’ar, Oras ne’e dadaun ami sei uja hela edifisiu husi Ministériu Obras Públicas Município Covalima nian, sira fo kuartu ida atu ami bele atende ba komunidade sira iha Munisipiu Covalima.” Informa husi Responsabilidade DNTT Munisipiu Covalima Joaquim Gusmão.
Responsabilidade DTT- Covalima hatutan iha tinan 2022 Dirasaun Nasional Transporte no Terestre iha ona palun atu hari edifisiu DTT iha Município Covalima, nebe planu konstruksaun sei halo iha Aldeia Ailok laran Suku kamenasa, Postu Administrativu Suai.
“Ami hetan ona rai iha atu halo edifisiu rasik ne’e iha kedas tinan 2007, Bainhira ami desloka mai iha ne’e, rai ne’e ami okupa kedas to’o ohin loron, fatin atu hari edifisiu ne’e iha Ailo’ok laran neba, tanba orsamentu nebe limitadu mak to’o agora seidauk hari edifisiu DTT covalima nian ne’e. maibe ha’u rona maizomenus iha tinan 2022 ne’e mak Direitor Nasional Transporte Terrestres iha planu atu hodi halo ami nia edifisiu rasik iha município Covalima” Tenik Responsabilidade DTT Município Covalima Joaquim Gusmão ba RCCT segunda Feira (15-02-21) iha nia servisu fatin Profizorio iha Santa Rosa Debos.
Responsavel DTT Municipio Covalima Joaquim Gusmão informa durante ne’e DTT Covalima halo atendementu ba kliente na’in 20 resin kada loron no fulan 1 atende kliente hamotuk 200 to’o atus 300.
Jornalista : Saturnino Soares
Editor :Chamot Nahac
