Covalima (RCCT) 04-06-25-Tersa ne’e (03/05) Polisia Nasioanl Timor Leste (PNTL) liu husi Komandante Unidade Patrullamentu Fronteira (UPF) Superientendente Polisia Euclides Belo, kontinua tula devisa ba membru UPF hamutuk na’in-42 iha Munisipiu Covalima.
Komandante Unidade Patrullamentu Fronteira (UPF) Superientendente Polisia Euclides Belo, ba jornalista sira dehan lolos ne’e PNTL realiza Impozisaun devisa ba prmosaun trazitoria iha aniversariu loron PNTL nian ne’ebé monu iha ldia 27 fulan marsu. Maibe tanba UPF destaka organikamente hodi garantia siguransa iha area fronteira tomak maka Membru hotu labele simu impozisaun iha loron hanesan maibe tenki halo fazeadamentu iha postu ida idak ne’ebé sira destaka ba.
“UPF ninia Postu ne’e la’os butuk hamutuk iha fatin ida, maibe UPF naklekar iha frtonteira tomak, tanba ne’e ohin loron 3 fulan juñu UPF realiza impozisaun devisa iha Suai, ba kolega UPF sira ne’ebé koloka organikamente garante seguransa iha liña fronteira iha Munisipiu Covalima. Maibe involve mos membru sira balu husi Postu UPF Bora no Altu Lebos Bobonaru nian mos partisipa iha ne’e, tanba sira hasoru difikuldade movimentu ba Maliana, tanba kestaun estrada la premite sira atu halo movimentu tanba ne’e ohin sira mos mai tuir sa’e devisa iha Suai” informa Komandante Unidade Patrullamentu Fronteira (UPF) Superientendente Polisia Euclides Belo, hafoin remata tula devisa ba membru UPF sira ne’ebé hala’o iha Postu UPF Bravo Covalima, Suku Kasabauk, Postu Administrativu Tilomar.
Euclides Belo, orgulhu ho politika governu nian hodi promove PNTL ba prosesu tranzitoriu, maibe ida ne’e la’os premiu ba membru sira, basa ida ne’e nudar responsabilidade hodi grante seguransa liliu iha liña fronteira.
“Ha’u orgullu ba politika governu nian ne’ebé bele promove PNTL tomak espesialmente UPF iha prosesu tranzitoriu, ha’u espera katak ho promosaun tranzitoriu ne’ebé maka vale iha loron 27 fulan Marsu liu ba, ohin ami halo impozisaun devisa ba sira, ne’e la’os premiu fo ba sira maibe hanesan responsabilidade ne’ebé tula iha sira nia kabas atu hala’o sira nia kna’ar hanesan PNTL mais espesial liu maka Unidade Patrullamentu Fronteira ne’ebé iha dedikasaun ida importante garante seguransa iha liña fronteira, embora ida ne’e ho impozisaun devisa ne’e atu sira ne’ebé hetan promosaun hotu ne’e bele eleva di’ak liu tan sira nia kualidade servisu” Superientendente Polisia Euclides Belo, dehan.
Membru Unidade Patrullamentu Fronteira (UPF) hamutuk na’in-42 mai husi Kompañia ALFA Bobonaru na’in-4, Kompañia Bravo UPF Covalima kompostu husi membru hamutuk na’in-38.
Jornalista : Julio Salinas
Editor : Chamot Nahac
