Covalima (RCCT) 08-03-24-Kinta Feira ne’e, Universidade da Paz Ramo Covalima Fakuldade Ekonomia, departamentu Jestaun halo Abertura ba Programa Atividade Aprendizazen Kampu (PAAK) ba Estudane Semestre Klik “III no V” iha Klase Covalima.
Dekanu Fakuldade Ekonomia iha UNPAZ, Alexandre de Souza Guteres, hateten estudante sira semester lima iha programa Atividade Aprendizazen Kampu (PAAK) nune’e bele halo asaun servisu iha kampu hodi hatudu sira nia kualidade potensia akademiku ba sosiedade liu liu koñesimentu iha falkudade ekonomia.
“ohin ami mai iha aktividade prosesu aprendizazen iha semestre ganjil liuliu ba iha semetre V ita iha programa konaba PAAK, ne’ebé mak sei haruka ita nia Estudante sira ba halo sira nia kampu de traballu iha terenu, liu husi asaun ne’ebé mak sira hetan ona iha sira nia prosesu aprendizazen ne’ebé tuir sira nia prosesu akademiku iha universidade no sira tenki tun fila fali ba iha kampu. iha suku no aldeia nune’e bele foti informasaun no dadus sira ne’ebé mak konaba asuntu husi PAAK nianian liuliu konaba lala’ok moris povu nian iha suku sira nune’e bele hasai dadus ida ba Universidade no bele halo levanta ne’e sai ba peskiza ruman no mos objetivu seluk mos aktividade PAAK ne’ebé agora hala’o iha Central no UNPAZ klase Oecuse no UNPAz Klase Suai no mos ba iha Komunidade no ba suku sira katak estudante ne’ebé mak to’o iha semestre V ona, sira iha kualidade potensia akademik ida ne’ebé mak sira iha no sira sei hatudu ba iha sosiedade para Sosiedade bele hare katak durante sira halo sira nia estudu iha prosesu aprendizazen Akademik Liiuliu Iha UNPAZ iha fakuldade Ekonomi sira iha mos koinsementu ida ne’ebé mak di’ak liu husi asaun ne’ebé mak sira sei hatudu iha aktividade” Dekanu Fakuldade Ekonomia, Alexandre de Souza Guteres, informa ba RCCT iha resintu Kampus iha UNPAZ Covalima, Kinta (07/03)
Alexandre de Souza Guteres, dehan estudante ida ne’ebé kualidade tenki iha bukae, mak hanesan tenki matenek, tenki iha atitude ne’ebé di’ak, no sentidu solidaridade sosial hodi adapta ho Sosiedade sira.
“Enjeral Mensajen ne’ebe ha’u hakarak fo hanesan dosente hanesan Dekano iha fakuldade Ekonomia UNPAZ katak Ciensia ne’e ita moris, tenki iha kuinesementu ida ne’ebé mak di’ak nune’e ablidade ita nian ne’e ema bele respeitu liu husi Ciensia akademik. Nune’e ba Estudante sira sai Estudante ida di’ak tenki iha buakae ne’ebé mak iha hanesan tenki iha atitude ne’ebé mak di’ak, no sentimentu solidaridade sosial bele adapta ho sosiedde sira, buat tolu ne’e sai bukae ida mak estudante sira tenki iha no iha Suai estudante sira ne’ebé barak mak Susesu ona no hakarak mai atu susesu iha sira nia servisu tanba sira barak mak servisu ona atu kontinua sira nia estudu iha fakuldade ekonomi, responsablidade hanesan ema nebe mak servisu nain bazeia ba bukaae tolu nebe mak temi ne ida ne bele aumenta tan para Sira bele sai rekursu ida nebe mak diak ba futuru Covalima ninian” Tenik dekanu Fakuldade Ekonomia UNPAZ Aldexadre de Souza Guterres.
Tuir planu Universidade da Paz sei desloka Estudante sira halo Atividade Aprendizajem Kampu iha Covalima hamotuk ema na’in 53, kompostu husi Fakuldade Ekonomi 20, Fakuldade Engeneria 10, Fakuldade Saude Publiku no siensia mediku ema 11 no Fakuldade Direitu ema 12.
Maibe, faze primeiru iha Covalima hahu uluk ho estudante hamotuk na’in 20 husi fakuldade ekonomia ne’ebé sei koloka ba suku Debos Postu Administativu Suai no Suku Ogues Postu Administrativu Maukatar.
Entretantu Prgorama Atividade Aprendizajem Kampu (PAAK) Iha Covalima ne’e lidera husi Estrutura Fakuldade Ekonomia, kompostu husi Dekanu fakuldade, Alexandre de Souza Guterres, Xefe departamento jestaun, Francisco Barbosa, Diretór UNPAZ Ramo Covalima, Silvester Ferreira inklui Dosente Fakullidade Ekonomia sira.
Jornalista : Moichung
Editor : Chamot Nahac
