Covalima (RCCT) 03-04-23 Diretór EBC Ladi Ermengildo Asis Martins, hateten estudante iha Eskola Baziku Central Ladi, Kamanasa preparadu ona atu tuir ezame ne’ebe sei akontese iha fulan ida ne’e nia laran.
“Preparasaun eskola hotu ona ami nia material hotu-hotu kompletu ona hein deit estudante sira atuir deit ona ezame ne’ebe sei akontese iha fulan ida ne’e nia laran” informa Diretór Eskola Baziku Central Ladi Kamanasa, Ermengildo Asis Martins, ba jornalistq sira iha nia kna’ar fatin Segunda (03/04).
Diretór EBC Ladi Ermengildo Asis Martins, dehan tuir kalendáriu ne’ebe fo sai husi Ministériu Edukasaun Juventudeno no Desportu (MEJD) katak tuir kalendáriu eskolár ba ezame trimestral primeiru ne’e sei akontese iha 10 de Abril agora maibe sei iha mudansa tanba ho selebrasaun festa pastor ezame sei muda ba iha loron 17 fulan ida ne’e.
Nia afirma iha EBC Ladi total estudante hamutuk na’in-500 resin maka sei tuir ezame ba primeiru trimestral tinan ida ne’e nian.
Diretór EBC Ladi ne’e husu estudante sira fila husi eskola ba uma labele hanoin halimar deit telefoni maibe tenke kaer livru estuda atu nune’e iha ezame bele valor diak, no husu ba inan no aman sira atu kontrola oan sira labele husik halo sira halimar deit maibe tenke halo sira estuda tanba ezame besik ona.
Entertantu Eskola Baziku Central (EBC) Ladi, ne’ebe lokaliza iha Suku kamanasa, Postu Administrativu Suai kompostu husi estudante hamutuk na’in-500 resin oras ne’e daudaun preparadu ona atu tuir ezame ne’ebe sei akontese iha loron 17 fulan Abril 2023, no materiál hotu preparadu atu uza hodi ezame ba estudante sira iha eskola refere. (JS)
