Covalima (RCCT) 16-10-23–Estudante finalista hamutuk ema na’in-2.679 iha Covalima tuir ona ezame nasional, estudante hirak ne’e kompostu husi Eskola baziku Sentral no Eskola Sekundariu Jeral, eskola tekniku vokasional no eskola privadu.
Nune’e Diretór Servisu Edukasaun Munisipiu Covalima Franselino Freitas Carvalho, hatete tuir kalendariu ne’ebe Ministeriu Edukasaun fo sai katak ezame nasional hahu loron 16 to’o 19, iha Covalima Sentru ezame ba ensino baziku, ensino sekundariu no tekniku vokasional hamutuk 32.
“Tuir kalendariu ministeriu edukasaun fo sai katak ezame nasional hahu ohin loron 16 to’o 19, realizasaun ezame nasional ami iha sentru ezame ba ensinu baziku, ensinu senkundaria jeral ensinu tekniku vokasional hamutuk 32 sentru ezame, iha ensinu baziku hamutuk sentru ezame 24, ensinu sekundaria jeral iha-3 no ensinu tekniku vokasional iha 5, tanba ne’e sentru ezame iha Covalima hamutuk 32” nia dehan.
Diretór Eskola Sekundaria Geral Publiku (ESGP) Suai, Abel Sarmento, katak estudante finalista iha ESGP Suai hamutuk ema na’in-737, maibe numeru estudante hirak ne’e iha na’in-2 mak la tuir ezame tanba kondisaun saude la permite atu partsipa ezame.
“Iha ESGP Suai, estudante finalista hamutuk ema na’in-737 maka tuir ezame maibe husi numeru ida ne’e iha estudante finalista hamutuk ema-735 maka tuir ezame tanba ohin estudante na’in-2 mai to’o eskola atu tuir ezame maka hetan moras tan ne’e haruka sira fila ba uma, bainhira moras di’ak maka foin haruka sira tuir fali ezame” nia dehan.
Entertantu ohin iha teritoriu Timor-Leste selebra ezame nasional no iha Covalima hamutuk estudante finalista hamutuk ema na’in-2.679, maibe iha eskola sekundaria geral publika Suai estudante finalista hamutuk ema na’in-735 maka tuir deit ezame tanba na’in-2 moras.
Jornalista : Julio Salinas/ Baltazar Monis
Editor : Chamot Nahac
