Covalima(RCCT)27-02-24-Eskola Sekundaria Jeral Publika (ESGP) Suai, Hahu ona aula aprendizajen tinan letivu 2024 maibe infrenta menus meja no kadeira inklui profesor disiplina la to’o. Nune’e obriga estudante sira balun tenki hamrik deit iha aula laran, balun tenki tur hamotuk na’in 3 uza kadeira 1, no ema na’in hat ultiliza meja ida deit ho simu materia no mos estudante balu tenki fila sedu tanba laiha profesor atu hanorin.
Nune’e Estudante Agustinha Cardoso Verdial triste tanba laiha profesor atu hanorin materia iha aula, ladeira laiha mos fo impaktu ba estudante sira atu fokus iha aula aprendizajen.
“Agora dadaun ami iha eskola sekundaria geral publika de suai husi ami estudante senti triste tanba menus iha profesores para oinsa atu fahe materia ba ami no mos menus iha fasilidade eskola nian hanesan kadeira ho meza entaun buat hirak ne menus ami araska los para oinsa atu aprende ho diak tanba la iha meza hodi hakerek no kadeira atu tur entaun liu husi ida ne hanesan problema nebe mak dadaun akontese iha eskola sekundaria geral publika de suai bele fo mos afeita mai ami estudante tanba menus mos iha professor atu fahe material ba ami entaun liu husi ida ne ami labele aprende ho seriedade no labele aprende ho focus tanba menus mos iha professor” dehan estudante Agustinha Cardoso Verdial.
Estudante Joel Soares da Costa, preokupa tanba besik ona atu realiza ezama primeiru periodu maibe iha eskola sekundaria jeral publiku suai sei infrenta menus manoris na’in atu fo lisaun iha aula.
“ha’u nudar estudante senti triste tanba izame 1 periodo nebe besik ona ami estudante lisaun rua ne’ebé mak nunka tama hanesan religiaun ho Fisika entaun ami senti triste tebes” katak nia
Diretór Eskola Sekundaria Geral publika Suai, Abel Sarmento, rekuñese estudante sira mai aprende iha eskola maibe tenki hamrik deit tanba kadeira ho meza laiha no estudante sira balun mai atu aprende maibe tenke fila sedu tanba professors material barak mak laiha.
“Prekupasaun ba eskola ida ne liuliu kadeiras ho mezas labarik sira estudante sira mai sala dalaruma mai hanbrik deit no balu tur iha rai tanba kadeira meza laiha I depois tuir fali mos professor laiha no labarik sira tama iha sala professor laiha materi hanesan lingua portuguesa Giologia, Tetun no materias barak mak professor laiha nebe labarik sira mai fila deit nebe hau hakarak hato mos ba Ministra atu nune bele halo teste ba professor sira ne halo lalais ituan atu nune bele iha 2 periodo mai ne professor sir abele hanorin konpletu no susar tebes tanba professor sira laiha alunus mai fila deit” esplika diretor Abel Sarmento.
Entretantu total estudante iha ESGP Suai hamutuk ema 2.275 no profesor hamutuk na’in 49, no profesor disiplina ne’ebé sei menus mak hanesan Lingua Portuguesa, Melaiu, CDS, Teknologia Multimedia.
Jornalista : Moichung /Anis Mauk
Editor : Chamot Nahac
