Covalima (RCCT)17-07-24-Estrada we mean ne’ebé lokaliza iha Postu Administrativu Zumalai besik liu ba rai ketan entre Munisipiu Covalima no Bobonaru, ne’ebé durante ne’e at grave difukulta komunidade sira atu halo movimentasaun ba mai munisipiu rua refere.
Diretór Eskola EBC Bulo Jose da Silva nudar ulizador estrada publiku ne’e hodi liu ba eskola iha Bulo hatete iha tempu udan wainhira atu utrapasa iha dalan we mean tenki selu osan dolar amerikanu sanulu ba joven sira hulan motor.
“Ha’u nudar Diretór Eskola EBC Bulo ne’ebé ami mak loron loron liu ba mai iha ne’e husi Zumalai liu mai eskola maibe ne’e difikuldade tebes ba Estrada ne’e impaktu bo’ot ida ba manorin sira signifika dalan kuanda at entaun ami para motor iha sorin ne’eba ami mai ojek deit sekarik udan entaun komunidade sira foti motor ba selu 10 dolar mai mos selu osan 10 dolar hamutuk 20 dolar” Katak Jose da Silva.
Jose da Silva relata estrada we mean ne’ebé at difikulta mos komunidade sira husi Munisipiu Bobonaro atu mai halo negosi iha Munisipiu Covalima.
“Ne’e kuandu udan ona inpaktu bo’ot ida mos ba komunidade entre dirasaun husi Zumalai liga ho Bobonaru ne’ebé difikuldade tebes ne’ebé husu ba relevante ou Guvernu para atu normaliza lalis ba dalan ne” tenik nia.
Entretantu dalan be mean ne’ebé kotu ne’e Servisu Munisipal Obras Publiku hamutuk ho Autoridade sira Covalima, iha fulan jullu foin lalais ne’e loke ona dalan alternativa foun hodi fasilita komunidade sira bele utrapasa mai iha tempu udan nafatin difikulta komunidade nia viazen uja kareta no motor.
Jornalista : Moichung
Editor : Chamot Nahac
