Jornalista: Chamot Nahac
Eskola Secundaria Geral Publico de Suai (ESGP) hahu hikas Aula normal ba Estudantes sira hafoin Feriado durante fulan 3.
“Ami komesa hikas Aula normal ba estudantes sira hahu iha 1 de julho 2020 liu ba no mekanismu hanorin nebe ami aplika mak Semana sim, Semana não, ne’ebe kada Clase fahe ba grupo A ho grupo B. Ex: grupo A tama escola semana ida hafoin fo fali tempo Grupo B tama semana ida”. Dehan Diretor Escola Francelino Freitas Carvalho ba RCCT Quinta Feira ohin (10-7-2020).
Diretor eskola ne’e fundamenta meius ida ne’e eskola Aplika tanba numero estudante iha ESGP-Suai ne’e bot liu ho total estudantes hamotuk Estudantes Na’inRihun Rua Atus Ida Tolu Nuluh Resin Ida (2.131). Engkuantu Diretor Francelino Salienta tan Reativasaun escola ne’e hetan orientasaun hosi edukasaun municipio bazeisa ba observasaun nebe Edukasuan hala’o ba ESGP-Suai nebe hatudu katak priensia ona kriterios.
“Ami reativa Eskola ne’e Bazeia ba Orientasaun husi Edukasuan Municipio tanba antes ne’e sira mai halo ona observasaun, no mos Eskola ne’e rasik iha esforsu masimu hanesan halo sirkulasaun bee atu fase liman iha portaun boot molok tama mai area eskola ninian no instala ona bee torneira iha kada turma ida-idak Inklui escola prepra sabaun ba fase liman no eskola mos kria rasik Hand Sanitaizer uja produto lokal nebe antes hetan treinamento hosi Uniaun Agrikultor Covalima (UNARCO) nebe servisu hamotuk entre KSI no IAP” Dehan Diretos ESGP Franscelino Freitas.
Entretanto Kada turma Escola prepara Hand Sanitizer nune’e estudante fasil atu rega ba liman bainhira sira kaer objeto ka sasan ruma nebe fo perigu ba estidante no profesor sira no eskola iha ona planu oinsa mak parte kompetente hanesan ministerio saude municipio Covalima atu kada semana bele desinfekta ba Escola
