Covalima (RCCT) 13-03-23, Eskola Filial 1.2, iha Aldeia Aitoun, Suku Fatululik, Postu Administrativu Fatululik, Munisípiu oras ne’e iha hela ona ameasa monu tanba kauza husi dezastre natural, kuandu ba oin ne’e governuliu husi Ministériu Edukasaun Juventudeno Desportu la tau atensaun lalais hodi resolve lalais.
Kordenador Eskola Filial 1.2 Aitoun, Francisco da Costa Bere, esplika eskola filial 1.2 Aitoun oras ne’e iha ameasa nia laran tanba kauza udan no Mota Lelos tun boot halo rai monu tun hotu ba mota laran.
“Oras ne’e ami nia eskola fialial 1.2 Aitoun iha ameasadu nia laran atu monu tanba kauza husi dezastre rai halai, kuandu udan no Mota Lelos tun maka’as halo rai monu fo impaktu ba eskola ida ne’e” informa Kordenador Eskola Filial 1.2 Aitoun, Francisco da Costa Bere, ba jornalista sira iha nia kna’ar fatin Eskola Filial 1.2 Aitoun, Fatululik Sesta (10/03).
Kordenador Eskola Filial 1.2 Aitoun, Francisco da Costa Bere, husu ba governu liliu ba iha MEJD atu tau atensaun lalais ho tau bronjong ka bareira hodi satan rai bainhira mota tun labele halo rai halai tun hotu ba iha mota laran hodi ameasa ba eskola refere.
Nia afirma dezastre natural halo eskola sorin tabele loos deit ona iha rai kuak, tanba impaktu husi korente mota Lelos tun maka’as halo rai monu hodi fo ameasadu ba eskola.
“Iha ami nia eskola ida ne’e hetan ameasa maka’as atu monu impaktu husi dezastre rai halai, no halo estudante sira laiha fatin atu sira bele halimar bainhira iha oras intervalho, tanba resintu eskola nakonu ho bee no tahu todok” nia haktuir.
Nia afirma alende eskola refere hetan ameasadu husi dezastre natural, eskola refere oras ne’e daudaun ninia kondisaun eskola iha turma primeiru siklu ho terseiru siklu haree ninia kondisaun ladun diak oan atu bele uza hodi hanorin estudante sira, tanba sala aula la faboravel.
Nia dehan razaun eskola la seguru tanba kondisaun eskola ne’ebe didin ho because oras ne’e dodok hotu ona no uma kakuluk sira lahuk, kalen sira mos kuakbaimhira iha tempu udan no anin boot manorin nain sira labele hanorin estudante sira iha aula laran tanba tauk ai ka kalen monu tan labarik sira.
Kordenador Eskola Filial 1.2 Aitoun hatete ho kondisaun eskola ne’ebe ladiak hanesan responsavel ba esjola ne’e hato’o beibeik ona proposta ba iha edukasaun munisipiu no mos ba to’o iha Ministériu Edukasaun Juventude no Desportu maibe to’o ohin loron laiha resposta husi ministeriu kompotente.
Manorin na’in, Marcelino de Jesus, husu governu liliu ba MEJD atu hadi’a lalais tanba eskola ida ne’e tinan barak ona estudante sira tuir prosesu aprendisajem iha sala aula ladun ho seguru tanba kondisaun edifísiu eskola grave loos ona no iha tempu udan labele hala’o prosesu aprendisajem.
“Kuandu iha tempu udan dala ruma ami labele hanorin estudante sira iha sala laran tanba udan mai bee tama hotu iha sala laran no tauk ai no bebak monu kona labarik sira , tan ne’e husu governu tenke hadi’a urjente ba eskola refere” nia dehan.
Entertantu eskola filial 1.2 Aitoun, iha Suku Fatululik total profesores hamutuk na’in-7 kompostu husi manorin na’in permanente nain-3 ho profesores kontratadu na’in-3 no profesore voluntariu na’in-1 ho total estudante hamutuk na’in-96.(JS)
