COVALIMA—-Administrador Munisipiu Covalima (AMC) Francisco de Andrade  hateten, eskola laos fatin ba aprende arte marsial maibe eskola fatin atu aprende siensia.

Administrador husu ba estudante sira katak ba tinan ida ne’e lakohi rona atu akontese tan problema entre arte marsiais iha eskola eskola sekundaria jeral publiku Suai, kuandu ida ne’e maka akontese husi profesor to’o diretor atu lista atu nune’e estudante refere hasai naran husi eskola sein fo karta transferensia.

“Iha biban ida ne’e hau hakarak hatete loos ba ita boot sira katak eskola fatin ba aprensia siensia no aprende esperensia ruma husi manorin na’in sira iha fo ba estudante sira, eskola laos fatin ba aprende arte marsiais, tan ne’e husu ba imi estudante sira tama mai iha eskola husik hela imi nia atributu arte marsiais iha liur ne’eba, mai iha ne’e so hanoin ida deit atu aprende siensia” deklara Administrador Munisipiu Covalima, Francisco de Andrade, iha nia diskur hafoin partisipa iha misa agradesimentu ba estudante foun ba ano letivu 2023 iha eskola sekundáriu Jerál Públiku Suai, Segunda (30/01).

Ema ida ka rua ou grupu labele estraga ema barak nia futuru iha eskola, estudante nia dever maka ne’e mai iha eskola atu aprende, tanba hatete bebeik ona katak imi estudante sira mak futuru ba nasaun liliu espesial ba Covalima.

Administrador dehan arte marsial buat ketak ida, kuandu ema ida involve iha arte marsiais ne’e imi nia direitu, arte marsiais ema tama ne’e desportu ida, ne’e ema temi dehan katak arte ne’e dehan katak seni.

“Estudante ne’ebe matenek hatudu nia matenek ne’e iha eskola, laos foin tama iha nuvel sekundáriu iha Klasse laran haree profesór sira hakru’uk tun deit, maibe kuandu sai ba iha liur nia komesa doko an ba povu beik ten sira dehan hau SMA” Administrador konta.

Ema tama iha arte marsiais objetivu primeiru atu defende ninia-an kuandu bainhira nia hasoru situasaun ida ne’ebe la espera iha ameasadu bele mos atu ajuda ema seluk ne’e fraku.

Ukun-an hotu ona iha tinan 1999 Indonezia sai ona husi Timor laiha imigu tan, agora mesak maun alin, mesak amigu, ne’ebe se deit iha eskola atu aprende tanba imi nia futuru sei naruk (Azu)