ESGP-Suai no Inan/Aman Estudante sei finaliza prosesu rekrutamentu  ba Profesores Parsiais Iha Semana ne’e

Covalima (RCCT)-16-02-2021- iha inusiu fulan Februariu Tinan ne’e Eskola Sekundaria Jeral Publiku-Suai hamotuk ho konsellu inan no aman estudante iha ESGP halo Rekrutamentu ba Profesores parsial hodi bele hanorin disiplina Lian Portugues ema na’in rua, Religiao na’in ida,Lian Melayiu ema na’in rua, no mos disiplina Informátik.

Relasionna ho ne’e, Xefi Komisaun Organizador ba rekrutamentu manorin na’in parsial, Rui Lemos ko’alia ba RCCT dehan, Prosesu rekrutamentu ne’e hahu iha Loron 8 liu ba, no sei determina iha loron 19 Fulan  ne’e, nia Esplika, total kandidatura hamutuk ema na’in 45 mak kompete iha rekrutamentu ne’e, maibe kriteira ba rekrutamento ne’e, ESGP Suai presiza deit Profesores nain 10.

“Prosesu rekrutamentu Konaba kandidatura profesores parsiais iha ESGP suai, ami hahu iha Dia 8 iha ami nia estabelese karta orario sei determina iha loron 19 de Febreiru, prosesu provizoriamete ne’e maka ami aprezenta seidauk final, iha ami nia planu atu finaliza rekrutamentu ne’e iha semana ida ne’e nia laran iha dia 19” Katak Xefi Komisaun Rui Lemos iha ESGP Suai, Terca-Feira ne’e (16-02-21)

Rui Lemos Fundamenta, prosesu rekrutamentu la’o ho transparansia, tamba ne’e ekipa avaliasaun intrega prosesu selesaun dokumentus ba diresaun diretiva Eskola, hodi halo publikasaun ba rezultadu rekrutamentu ne’e.

“ Konaba rekrutamentu hare husi parte transparansia nian, nebe dokumentus ne’e ami sei intrega ba iha diresaun maka halo selesaun, depois de intrega ba iha Ekipa, professor ida nebe mak liu iha selesaun dokumentus ne’e, hodi hatama iha lista kandidatura ami sei publika sai” Tenik Xefi Komisaun Rui Lemos

Entertanto tuir informasaun nebe RCCT assesu husi ekipa avaliasaun katak, sei la tolera ba kandidatura ne’ebe atraza ou la kumri orário nebe maka eskola fo sai ona.

Jornalista         : Lito De Jesus

Editor              : Chamot Nahac