Maske nune’e, Xefe Aldeia Lo’okeu Cesar Mendonça relata, kada semana Be Timor Leste, Empreza Publiku (BTL,EP) mos kada semana distribui be ba komunidade sira iha Aldeia Lo’okeu, bairo tetuk, ne’ebé kada tangki publiku komunidade selu osan dolar amerikanu ida sentavus hat nulu ($ 1.40).

“iha ne’e iha bairu ne’ebé mak hau ukun bairu lokeu tetuk no lokeu foho ne’ebé iha ne’e bairo tetuk hanesan be ami asesu ona, maibe be ne’e dada husi ESGP Suai mai ne’e, be ida ne’e ami selu depende Komunidade sira ne’ebé mak uza tanba be ne’e fulan fulan ami selu $ 1.50, komesa kedas husi 2017 to’o agora ami nafatin selu kada fulan komu tanba komunidade ne’e sai tama entaun total ema ne’ebé konsomu ne’e la tetap kadan kadan nia sa’e $ 25.00 no balu la kontenti ho selu esntaun sira sai tia ha’u husu nafatin ba komunidade sei bele ita selu kada fulan tolu tolu husi kedas januariu to’o Marsu mak ha’u foin haruka sira selu ne’e ba ESGP nian ne’e depende sira ida be selu ne’e sekarik la selu ne’e tanba sira la uza be no selu mak uza be” Katak Xefe Aldeia Cesar Mendonça ba Radio Comunidade Cova Taroman Segunda(11/02).

Nune’e Xefe Aldeia Cesar Mendonça husu ba Guvernu atu fura be mos ba komunidade Lo’okeu, tanba maske asesu ona be ne’ebe fornese husi eskola sekundaria publiku jeral suai, maibe kada vez fulan ida tomak be la sai, liu liu iha tempu bailoro, tanba debit be menus.

“ha’u suzere ba Guvernu atu tau matan netik ba ha’u nia bairo ida ne’e, tanba ha’u senti ba be mos ne’e maka susar liu, kuandu bailoro naruk ne’e be posu mos ami hein malu, depois ida dada husi ESGP mai ne’e mos, maske ami selu, dala ruma fulan ida nia laran ne’e sai hanesan loron baluk deit kuandu be debit menus ona entaun ha’u husu ba Estadu halo favor se bele halo perfurasaun ida ba iha aldeia lokeu se lahalo perfurasaun iha fatin ida ne entaun meus oinsa bele dada husi fatin seluk mai, ne’e para komunidade iha ne’e mos bele asesu ba be mos” Tenik nia.

Komunidade Aldeia Lo’okeu iha Bairo Tetuk, Adelaide de Ressurreição dehan, be ne’ebe fornese husi ESGP Suai, semana ida sai dala tolu, maibe BTL, Ep semana ida distribui dala ida deit.

“Be husi eskola ne’e semana ida sai dala tolu,iha loron segunda, Quarta no Sexta, husi BTL sai semana ida dala ida, iha segunda, ne’e sura oras deit, be sai hahu husi tuku 8 to’o tuku 12, fulan fulan ami selu ba iha eskola $ 2.00 no selu ba iha pam $ 0.50” esplika komunidade Adelide.

Entretantu, Aldeia Lo’okeu, Suku Debos, Postu Administrativu Suai, iha total Xefe Familia 172, ho abitante hamotuk ema na’in 668, kompostu husi mane 349 no feto ema na’in 319.

Jornalista : Moichung

Editor : Chamot Nahac