.png)
Covalima (RCCT) 21-02-24-Eskola Sekundaria Geral Publika (ESGP) Nutetu Fohorem durante ne’e hasoru problema konaba laiha bilioteka no labotoriu inklui menus rekursu.
Diretór Eskola Sekundaria Geral Publika Nutetu Fohorem, Raimundo Amaral, relata katak iha nia eskola infrenta mos menus profesor, laiha livru manual disiplina ba alunu sira.
“Ami nia preokupasaun ida ba fasilidade eskola nian ne’ebé durante ne’e ami infrenta hanesan Bibilioteka laiha, laboratoriu atu lori labarik sira ba kuñese di’ak liu tan siensia pratika, ne’ebé ami espera hela katak iha eskola ida ne’e mos hein hela fasilidade sira ne’e husi edukasaun atu bele fasilita ami profesor ho estudante bele aprende di’ak liu tan, kona ba livru manual do alunu agora dadaun iha ita nia oin ne’ebé maka livru sira tau hela ne’e livru tekniku vokasional nian maibe Sekundaria jeral nian kuaze ba disiplina hotu menus, provizoriumente profesor sira uza hodi hanorin hela ne’e manual do aluna mak iha, maibe ba profesor na’in 1 kaer livru ida deit atu lori prepara tama sala de aula, maibe atu distribui ba estudante sira kuaze laiha ba disiplina sira hotu, nune’e mos kona ba rekursu agora daudaun ami infrenta hela menus profesor, iha disipila lingua Melayu, disiplina multimedia, disiplina lingua Tatum inklui disiplina lingua Portugés tanba iha profesor na’in 1″ informa Diretor Eskola Sekundaria Geral Publika Nutetu Fohorem, Raimondo Amaral, ba jornalista sira iha nia kna’ar fatin ESGP Nutetu Fohorem, Sabadu (17/02).
Estudante Maria Auxiliadora Amaral, sente triste tanba eskola infrenta menus manorin na’in no liaha livru manual iha eskola fo implikasaun ba sira nia prosesu aprendizajem, liu liu difikulta sira iha tempu ijame.
“Ha’u sente triste no difikulta tebes ba ha’u nia prosesu aprendisajem tanba agora ami klasse 3 ona, ba materia sira ne’ebé la tama ami sente difikulta tebes, tanba agora ami prepara hela ba exame ne’ebé ne’e implika loos ba ami prosesu aprendisajem loron-loron, depois materia ne’ebé maka importante hanesan materia ba exame nasional nian profesor laiha, no laiha profesor seluk ne’ebé tama lori prense oras mos laiha ami nia oras prosesu aprendisajem husik mamuk hela deit depois materia ba ami atu estuda laiha ne’ebé difikulta tebes, husu ba Ministeriu Edukasaun atu aselera prosesu rekrutamentu profesor atu nune’e tama lori hanorin fila fali materia sira ne’ebé laiha” Maria Auxiliadora Amaral informa.
Estudante Paulo Adriano Migi Pereirra mos baralla, kuandu laiha manorin na’in sei fo impaktu ba estudante sira nia intelejensia atu hasoru ijame.
“Fo impaktu tanba ami mai eskola atu buka matenek se karik ami mai maka profesor laiha ida ne’e fo impaktu ami bainhira to’o exame atu liu no la liu ne’e la liu ona, disiplina abandona tanba profesor ida atu hanorin ne’e laiha hanesan kimika, teknolojia multimedia inklui lian portugeus mos laiha, durante ne’e profesor sira tama ami hakerek deit tanba livru laiha” nia informa.
Entertantu total estudante iha Eskola Jekundaria Jeral Publiku Nutetu Fohorem hamotuk ema na’in 178, no Manorin Na’in hamotuk ema na’in 13 inklui Diretór eskola.
Jornalista : Julio Salinas
