Covalima(RCCT) 14-09-23—Kinta feira ne’e sai hanesan loron ikus ba Ermelito Pereira babain Bolu Alito, labele goza ona mundu ne’e nia furak, tanba nia na’in rasik deside hakotu nia jornada moris liu dalan korta, kesi metin kakorok ho fiu kor azul tara iha sukaer leten.

Tatoli tuir Natureza, Maromak bolu hikas Alito nia klamar husik hela nia isin lolon iha sukaer leten iha Aldeia Asurai, Suku Debos, Postu Administrativu Suai, Munisipiu Covalima.

Maktoban Ermelito Pereira “Alito” moris iha Aldeia Asurai loron 21/07/1990, kompleta ona ho idade 33, matebian iha maun alin na’in 7 kompostu husi feto-4 no mane -3 oan husi aman Angelino Pereira no inan Genorina Afonso, mai husi uma lisan Mali Gol.

Tuir sasin, hanesan mos matebian nia tiun Isaias Fereirra Afonsa konta kronolojia ,maizumenus haleu oras tuku 8 liu, dadersan, nia parte sai husi uma ba ku’u modo iha to’os maibe la’o to’o iha dalan klaran, hare husi dok kuaze metro 20 resin, hateke sae ba iha Sukaer leten hetan mane ida mate, tara ho fiu ida iha kakorok iha sukaer leten.

“ha’u atu ba ku’u modo iha to’os, husi dok Sekitar 20 meter ida hanesan hosi dalan ki’ik ne’e, ne’ebe ha’u mos la konsege ba liu to’os, halai fila mai hateten ba alin litu ami nain rua halai ba lapor iha polisi, mak polisia tun maik ma ami ba hare ba hare mak la’os ema seluk subrinu, hare mate isin sekitar jam 8 ka 9 ida hanesan ne’e depois ba hateten polisi iha jam 11 hanesan ne’e,” Sasin Isaias Fereirra Afonsa, Konta.

Relasiona ho lia metan hafalun ho triste ne’e, familia matebean deside la lori matebian Ermelito Pereira ba hala’o autopsia, tanba konsidera matebian rasik maka hili dalan hakotu distinu.

“La’os ema mak tara nia rasik mak tara an depois ami husi familia Mali Oan ami lakoi atu lori ba otopsi, selama ne’e dadersan nia mak ba hare karau lokoraik fila mai, depois nia problema ho ema seluk mos laiha, nia an rasik mak tara an ne’ebe ami familia labele lori ba otopsi iha dili neba. ami familia tomak triste tanba lakon ona ami nia alin nia hanoin mos ita labelehatene tanba nia sei klosan” Esplika Francisco Xavier Gutteres ba RCCT, iha Matebean nia uma Bairo Anmil, Suku debos.

Iha Matebean nia aman rasik Angelino Perreira Fundamenta “Ita la diskonfia kualker ema ita hakarak buat los hosi los ita nia vida be naruk ema hotu sei respeita ita se lae dalan mak ne ona” Esplika Matebian nia Aman

Entertantu durante matebian Ermelito Pereira iha nia vida moris nunka mete halo problema ho ema seluk, ho razaun ida ne’e maka familia husi uma lisan Mali Gol foti desizaun lakohi lori isin mate Ermelito ba halo autopsia iha Dili.