COVALIMA RCCT- Força Humanista Covalima (FHC) ne’ebe hari husi foin sa’e Covalima oan sira iha loron 25 Fulan Novembro 2018 ho nia vijaun katak Timor Oan hotu tenke Matenek, Força Humanista Covalima (FHC) hari iha aldeia dais, Suco Belekasak Posto Administativu Maukatar, Municipio Covalima.
Tanba ne’e Quarta-feira (25-11-20), Força Humanista Covalima (FHC) selebra loron aniversario FHC bad ala rua hodi fo valor ba sira nia istoria.
Ba Radio Cova Taroman (RCCT) Presidente FHC Gabriel Francisco de A. Ukat Afirma, selebrasaun simples ne’e ba festeza no fo valor ba Força Humanista Covalima (FHC) nia historia.
“ Selebrasaun simple ida ne’e ba festeza equipa Forca Humanista Covalima ninian ba darua, iha momento neba ita hahu ho ema uitoan, ita nia equipa hasoru desafios oioin, maibe ita nafatin firme iha ita nia desizaun, ho ida ne’e maka ita hakarak selebra equipa ninian loron hodi fo valor ba historia refere” Dehan Presidente FHC iha Aldeia Dais Hafoin Halo Remata Selebrasaun.
Presidente Força Humanista Covalima (FHC) ne’e salient liu tan, equipa FHC ba dadaun ne’e iha ona nia sanak iha Posto Administrativo rua mak hanesan Postu Administrativu Suai no Postu Administrativo Tilomar.
“ Força Humanista Covalima ne’e hari uluk iha Posto Maukatar Suku Belekasak Aldeia Dais, depois ida ne’e ita loke tan ona ita nia liras ba iha Posto Suai Vila iha Suku Debos, ne’e maka ita loke ona kursu iha Aldeia Lakonak konaba Lian Ingles ho Portugues, no formasaun Liderança, depois ita loke tan kursu Lian Ingles iha Centru Joventude Covalima, depois iha Wetaba Salele, Tilomaar” Presidente Força Humanista Covalima (FHC) Gabriel esplika.
Iha fatin ne’e mos Xefe Sucu Belekasak Leonito Gusmão Agrumenta sei fo apoio ba programa nebe FHC iha, no nia parte mos agradese ba FHC, tamba bele fasilita foin sa’e sira, no nia konsidera programa ne’e ba futuru sai diak liu tan.
“ Observasaun hanesan Autoridade, ha’u agradese no ha’u fo apoio ba programa ida ne’e tamba, programa ne’e ba futuru di’ak tebes ba ita nia rai, liu-liu ba gerasaun foun sira ne’ebe maka la eskola, liu husi Força Humanista ida ne’e atu fasilita ema hotu, oinsa bele fasilita gerasaun foun sira ne’ebe maka la eskola hodi bele vale ba ita nia rai ida ne’e” Dehan Sefe Suku Belekasak Leonito Gusmão.
Enquanto Força Humanista Covalima ( FHC ) hanesan nia sanak ida husi Forca Humanista Timor-Leste (FHTL), no programa ne’ebe sira hala’o no fasilita foin sa’e sira mak hanesan, kursu lian ingles, lian portugues, formasaun lideranca, public speaking, hakbi’it talentu foin sa’e, teatro no poesia, no ba dadaun ne’e Força HumanistaMunisipio Covalima iha ona membru hamotuk atus rua sia nuluh resin.
Jornalista : Tynho Gusmão
Editor : Chamot Nahac
