Covalima (RCCT) 19-02-25-Autoridade Munisipiu Covalima Liu husi Servisu Munisipal Protesaun Sivil no Gestaun Dezastre Naturais, forma estrutura Komisaun Jestaun Dezastre Munisipal (KJDM) hodi responde no halo intervensaun dezastre ne’ebé akontese ba komunidade sira iha Munisipiu Covalima.
Hafoin simu posse, Kordenador Komisaun Jestaun Dezastre Munisipal (KJDM) Covalima, Filomeno Cardoso, iha nia deskursu dahuluk, manifesta, KJDM sai hanesan mahon ba komunidade sira hodi tulun komunidade sira ne’ebé hetan dezastre naturais iha Munisipiu Covalima.
“Ohin loron ita establese ona ekipa ida ne’e hodi bele antisipa no bele responde situasaun sira ne’ebé mak karik akontese iha Munisipiu Covalima, ho razaun ida ne’e ita tenki atensaun nafatin tanba Covalima mos fatin ida Dezastre mai ita hotu hotu alerta nudar asuntu balun ligada dezastre natural ne’ebé ha’u bele hato’o iha loron ohin hein katak Komisaun Jestaun ba Dezastre Munisipiu (KJDM) ida ne’e bele fo benefisiu ba ita hotu hotu nia komunidade iha Munisipiu Covalima iha ohin lorn hein katak KJDM ida ne’e sai hanesan grupu establesementu ida, sai hanesan grupu legal ida atu ita hotu hotu bele hamahan an ba hodi responde Dezastre iha Munispiu Covalima. Dezastre ne’ebé mak mai ho tipu oioin” Kordenador Komisaun Jestaun Dezastre Munisipal (KJDM) Filomeno Cardoso hateten
Reprezentante Prezidente Autoridade Munisipiu (PAM) Covalima, Atual Sekretariu Munisipal Planu Investimentu no Dezenvolvimentu Integradu, Caetano dos Santos Ribeiro, husu ba KJDM atu difini Misaun no Vizaun ida ne’ebé klaru hodi tau matan ba komunidade sira ne’ebé hetan Dezastre Naturais.
“Komisaun Dezastre ida ne’e presiza iha definisaun ida ne’ebé mak klaru, Presiza iha Misaun ida ne’ebé mak klaru quem komprende Profundamentu, tenki iha vizaun ida ne’ebé mak kalru. Tenki kria konseitu ba planu estratezika, presiza halo kordenasaun kominkasaun no mos iha Fleksiblidade kopera ho entidade hotu” Reprezentante Prezidente Autoridade Munisipiu (PAM) Covalima, Caetano dos Santos Ribeiro hato’o liu husi nia intervensaun iha serimonia pose ba membru KJDM iha salaun Administrasaun Munisipiu Covalima.
Entretantu Partispa iha serimonia pose ba estrutura KJDM Covalima ne’e mai husi Reprezentante PAM Covalima,Atual Sekretariu Munisipal Planu Invesntimentu no Dezenvolvimentu Integradu, Caetano dos Santos Ribeiro.Sekretaria Munisipal de Administrasaun no Finansa,Sekretario Munisipal Asuntus Sosiais no Organizasaun komunitariu, Administrador Postu Administrativu Sira no Diretór Servisu Munisipal, Xefi Suku sira, no Parseiru dezenvolvimentu sira hanesan, WFP, FAO, CARE, MERCY CORPS, WORLD VISION, ILO no CVTL
Jornalista :Moichung, Gabriel Amaral Dasilva
Editor :Chamot Nahac
