Covalima (RCCT) 28-08-23—Iha fulan Agustu tinan ne’e Servisu Saude Munisipal Covalima, rejista kazu malaria importadu 3, hela iha Aldeia Ai-Oan, Suku Lalawa, Postu Administrativu Tilomar.
Diretora Servisu Munisipal Saude Covalima, Maria de Fatima Moniz, hatete,Deskunfia Pasiente ba Kazu Moras Malaria Importadu 3 ne’e halo viazen husi Covalima ba nasaun vizinho indonezia liu husi fronteira postu integradu Salale.
Nune’e hafoin deteta kazu malaria importadu ne’e, parte saude halo kedas intervensaun no fo tratamentu saude ba pasiente Nain 3 ne’e.
Nune’e mos, servisu saude Covalima halo kedas intervensaun liu husi rega susuk area afeitadu no tuir kriteira rega susuk ne’e sei halao durante loron 10 nian
Entertantu Diretora Servisu Munisipal Saude Covalima Maria de Fatima Moniz, dehna TInan ba kotuk Timor Leste liu liu iha Covalima la rejista ona Kazu Malaria, maibe iha Fulan Agustu tina ne’e mak foin rejista fali kazu malaria nebe importadu ne’e.
Jornalista JS
Editor CN
