Covalima (RCCT) 18-04-24-Covalima oan na’in 223 mak admitidu iha selesaun dokumentu ba vaga ofisial suku iha covalma, maibe iha kandidatu na’in 7 mak la partisipa iha faze intrevista tanba hetan ona servisu iha fatin seluk. Vaga ba ofisiais suku ne’e kompostu husi, Sekretaria Suku na’in 1, Ofisial Administrasaun Suku vaga ida, Ofisial Finansas suku na’in 1 no ofisial Sosial suku vaga ida.
Diretór Servisu Munisipal Administrasaun no Rekursu Humanu (SM-ARH) Jose Manuel Gonçalves relata, dadaun ne’e iha Aplikate na’in 216 mak kompete iha faze intrevista atu priensa ba vaga 120 ba pozisaun hat kada suku.
“Aplikante ne’ebé maka pasa ba iha faze intervista ne’e hamutuk 223 no iha 223 ne sira na’in hitu mak la partisipa iha faze intervista, razaun sira la pasa iha faze intervista tanba sira hetan ona servisu iha fatin seluk ho ida sira ne’e hamutuk iha 216 pesoas ne’ebé maka partisipa iha faze intervista, depois semana oin dia 22 no dia 23 ne’e mak foin taka fali no anunsiu ba publiku sira ne’ebé mak liu total sira ne’e hamutuk 120 tanba ita iha suku tolu nulu kada suku ne’e iha sira nai’n hat ida ba sekretaria administrasaun suku nain ida ofisial administrasaun suku no ida ofisial finansas suku ho ida ikus liu maka ofisial asuntu sosiais suku” Relata Diretór SM-ARH, Jose Manuel Gonçalves.
Iha sorin seluk, Administrador Postu Administrativu Tilomar (APA), Venansio Sarmento, relata ema na’in 43 mak konkore ba vaga ofisial iha Postu Tilomar, maibe adminitidu iha selesaun dokumentu hamotuk ema na’in 24 hodi hakat liu ba faze intrevista.
“Konkore ba iha apoiu suku ne’ebé maka hahu primeiru sira hatama sira nia dukumentus ne’e iha ema 43 no ema 43 ne sira elimina ba iha seleksaun dukumentus ni’an 19 sira hela no 24 mak ohin sira mai teste etapa segundu ba iha etapa Entervista nian iha konkore ida ne presiza kada suku ema nain hat total ba iha suku hat ne’e ema na’in 16” Relata APA tilomar, Venansio Sarmaneto.
Kandidatura ne’ebé kompete ba vaga Ofisial Sosiais Suku Beiseuk, Postu Tilomar, Natalia do Rego, deklarasa sei esforsu hodi kompete no manan iha faze intrevista nune’e sei kurioja apoiu Xefe suku hodi halo atendementu ba komunidade sira.
“se karik ha’u liu, ha’u bele fo ajud ba maluk sira ne’ebé mak difisiensia no ema ne’ebé vuneravel no bele azuda sia hato’o baazuda sia atu hato’o ba xefe suku oinsa atu sira bele hetan direitu konaba nesesidade baziku sira no ba difisiensia bele ba trata sira nia dukumentus eleitoral ou Bi atu nune sira bele ba hatama iha sosial” Deklarasa Natalia do Rego.
Entretantu Autoridade Munisipiu Covalima Liu husi Servisu Munisipal Administrasaun no Rekursu Humanu (SM-ARH) sei publika rezultadu ikus iha rohan Fulan Abril, nune’e Ofisial Suku Sira sei hahu hala’o k’nar iha inisiu fulan Maiu.
Jornalista : Moichung
Editor : Chamot Nahac
