Covalima (RCCT) 17-04-25-Konsumedor liña eletrisidade iha Munisipiu Covalima, Filomeno Cardoso Amaral, lamenta ho servisu EDTL.EP Covalima tanba eletrisidade mate-lakan fo impaktu hodi estraga ninia sasan elektronika.
Konsumedor Eletrisidade iha area Mata Air Suku Debos, Filomeno Cardoso Amaral, dehan, hafoin tekniku Eletrisidade Timor Leste, Empreza Publiku (EDTL.EP) iha Covalima, ohin, Kinta dader san, halo manutensaun hodi resolve trafu ne’ebé avaria iha area mata air, maibe hafoin ne’e eletrisidade estraga sira ninia sasan eletronika.
“Tanba loron hirak liu ba impaktu husi rai lakan, entaun loron hirak liu ba trafo besik iha ami nia uma, ohin sira husi PLN mai hadi’a, sira koko derepenti, entaun estraga ami nia sasa lubuk ida maka hanesan CCTV, adaptor, komputador tolu, suar sa’e hotu, ho AC, sasan sira ne’e mak provisoriu at, maibe sasan sira seluk hanesan jelera no seluk selu ami seidauk koko halo lakan” Filomeno Dehan.
Filomeno Cardoso Amaral mos dehan EDTL.EP Covalima persija fundamenta informasaun ba komunidade sira molok hakotuk provizoria liña eletrisidade.
“Konaba eletrisidade at ami rona sira hadi’a no rerzolve halo oinsa ami lahatene tamba ne’e karik atu iha failansu hanesan ne’e avisu fo ami antes baa mi konsumidor hodi ne’e ami bele hasai tia ami nia sasan elektroniku ne’ebe ma kami uza no utiliza hodi nune’e labele fo inpaktu ba ami nia sasan sira” Tenik Filomeno.
Filomeno Cardoso Amaral, nudar Eprezariu ida ne’ebé halo Negosiu Fa’an Token eletrisidade no Ajente Mosan iha area Mata Air Suku Debos.
Entretantu to’o Informasaun ne’e lansa Xefe Unidade EDTL.EP Covalima seidaukk fo informasaun ba jornalista sira hodi klarifika konaba asuntu ne’e.
Jornalista : Alfredo Barreto
Editor : Chamot Nahac
