Covalima (RCCT) 03-02-2024-Iha periodu fulan Janeiru 2024 nian laran akontese eletridade Lakan mate hela deit iha Munisipiu Covalima, ne’e impaktu husi anin bo’ot.

Xefe Unidade Enerjia Eletrisidade Munisipiu Covalima, Anorito Mendonça, hatete ikus-ikus ne’e eletrisidade lakan mate ne’e tanba akontese anin bo’ot halo ai monu konaba fiu no mos anin huu makas halo fiu nakdoko makas kona fali malu hodi hamosu sirkuita.

“Loos duni, konaba ahi lakan mate hela deit ne’e nia impaktu ne’ebé agora dadaun ita hasoru anin bo’ot husi parte tekniku EDTL mos esforsu maibe labele halo buat ida tanba anin bo’ot halo ai monu kona fiu ni bainhira akontese anin maka’as halo fiu sira ani huu maka baku ba mai kona malu ida ne’e mos impaktu ba ahi lakan mate nafatin ne’ebé natureza ita labele espera” nia dehan.

Xefe Unidade EDTL Covalima ne’e husu ba komunidade tomak atu pasiensia tanba Eletrisidade mate ne’e kauza husi anin la’os tekniku sira maka hakotu liña.

“Servisu tekniku ha’u garante sira atende hela maibe kuandu natureza ita labele halo buat ida tan ne’e husu ba ita nia komunidade sira tenke kalma ami mos la hanoin buat ida atu hamate ahi, ami mai atu servi no asegura komunidade hela iha naroman, ita nia enerjia ka ita nia ahi ne’ebé iha Covalima ida ne’e konaba ida lakan mate ne’e kauza husi natureza anin bo’ot ai balu baku ba mai kona fiu bele halo ahi mate, fiu sira mos kuandu anin baku maka’as kona malu ida ne’e mos afeita hotu” nia hateten.

ntertantu durante ne’e akontese ahi mate lakan beibeik ne’e akontese liliu iha diresaun hahu husi Suku Kamanasa, Ahi Narai, Tali Oan, ba to’o iha Busakukun liu ba to’o Postu Fatumea Tilomar no Fohorem sempre hasoru problema konaba ahi mate beiebeik.

Jornalista : Julio Salinas

Editor        : Chamot Nahac