COVALIMA—-Diretór Serbisu Tékniku Administrasaun Eleitorál (STAE) Munisipiu Covalima Francisco Gusmão, hatete iha festa demokrasia ida ne’e eleitor hamutuk ema na’in-49.299 iha Munisípiu Covalima ne’ebe atu ejerse sira nia direitu ba vota ho konsiensia iha eleisaun parlamentar ne’ebe sei akontese iha 21 de Maiu 2023.
“Iha ita nia STAE Munisípiu Covalima eleitor hamutuk ema na’in-49.299 ne’ebe maka atu partisipa iha eleisaun parlamentar 2023 hodi ejerse sira nia direitu ba vota” informa Diretór STAE Munisipiu Covalima, Francisco Gusmão ba jornalista sira hafoin remata loke abertura formasaun ba poling staff iha STAE Munisípiu Covalima, Sesta (05/05).
Diretór STAE dehan kompara ho eleisaun tinan kotu iha diferénsia tanba ba tinan ida ne’e numeru eleitor iha Covalima aumenta ba 49.299, tinan kotuk elitor iha rihun 48 resin deit, maibe ba tinan ne’e aumenta.
Enterantu Diretór STAE garantia katak eleisaun parlamentar ba tinan ida ne’e iha Munisipiu Covalima seu lao ho diak.(Azu)
