Covalima ( RCCT )16-03-21 Ekipa Servisu Covalima Vitoria ho Domin20 (EKSES-COVID 20) halo asaun karidade iha Munucipio Covalima fo apoiu fos no Mina ba Inan Faluk Milena Moniz Cardoso tinan 46 ho nia oan nain Walu iha Aldeia Ai Oan Suco Lalawa Posto Administrativo Tilomar.
Liu husi Via tele Fone inan faluk Milena Moniz Cardoso ho idade tinan 46 hateten hafoin de hetan apoio husi EKSES-COVID20 Milena Moniz konfesa ninia katuas oan ka laen mate iha Tinan 2011 nebe husik hela Nia ho nia oan na’in 8, tanba ne’e Milena hakiak modo no faan iha merkadu hodi hetan rendimentu ba sustenta nia nesesidade uma laran no apoio oan ba eskola.
Inan Faluk Milena Moniz Konta, dadaun ne’e ninia oan nain 2 (Feto 1, Mane 1) mak remata ona sira nia estudu iha Ensino Sekundaria maibe la kontinua ba eskola iha Ensino Superior tanba ninia laiha Kbit nebe to’o, tanba ne’e milena nia ona nain rua ne’e mos forma ona uma kain.
“Ha’u nia oan na’in rua ( 2 ) feto ida ( 1 ) no mane ida ( 1 ) mak konsege remata estudu iha sekundaria no agora sira na’in 2 ne’e agora forma ona uma kain, no ha’u oan sira seluk eskola ona iha pre-sekundaria no balu eskola iha pre-primaria, maibe nain ida mak la eskola tanba difisiensia ain no liman.” Nia Konta.
” Ha’u nia katuas oan uluk seidauk mate nia servisu hanesan karpinteiro, Nia mate iha tinan 2011 husik hela ha’u ho ha’u nia oan na’in 8, depois ha’u nia katuas oan mate ha’u hanesan faluk ida esforsu ha’u nia an hodi to’os, liu liu ha’u halo modo hodi fa’an iha merkafu hodi sosa fos no mina no mos nessesidade ha’u nia oan sira nian, hanesan ropa, no sasan eskola nian ba ha’u nia oan sira “ Tenik husi inan faluk Milena Moniz.
Hare ba Situasaun no kondisaun moris ne’ebe mak durante ne’e inan faluk ne’e ho nia oan sira hasoru iha tinan barak nia laran, Ekipa Voluntario EKSES-COVID20 Segunda feira (16-03-21) halo Asaun Karidade hodi apoio nesesidade bazika tuir kbit nebe EKSES-COVID20 iha mak hanesan fo fos sakas 2, mina goren masa kiik 10.
Tanba ne’e hafoin simu apoio nebe EKSES-COVID20 Oferese Inan faluk Milena Espresa nia sentiment hodi fo agradese ba ekipa Voluntario EKSES-COVID20 nebe fo ona apoio ba nia Falimila maske ne’e labarak maibe bele sustenta netik nia familia durante situasaun Covid-19 nia laran.
Entretantu Inan Faluk Milena Moniz mos husu ba Governu ajuda bele Tau Matan hodi hadi’a ninia uma nebe mak oras ne’e kondisaun ladiak ka at ona.
Jornalista : Saturnino Soares
Editor : Chamot Nahac
