Covalima (RCCT) 16-03-21 EKSES-COVID20 Distribui Maskra hamotuk rihun lima resin ba Escola sira iha Municipio Covalima nune’e eskola bele fahe ba estudante sira hodi bele uja ba hodi prevene daet moras oi-oin no mos Moras Corona.
Kasu lia ba Radio Cova Taroman, Koordenador EKSES-COVID20, Martinho Alves dehan distribui maskra ba kada eskola sira ne’e hanesan apoio emerjensia ba eskola no estudante sira relasiona ho serka sanitaria tanba covid-19.
Martino dehan eskola nebe hetan ona maskra mak hanesan Eskola Sekundaria Geral Publiku-Suai (ESGP), Eskola Kafe, Eskola Kalitoka Ave Maria Suai (ESCAM), no seluk tan nebe lokaliza iha capital munucipio Covalima, Maukatar no Tilomar no mos apoio maskra ne’e EKSES-COVID20 fo mos ba Konselhu de Suco Matai
“Ohin ami fo ona mskra ba Eskola Cafe 1000 pcs, ESCAM 500pcs. ESGP Suai 1000pcs. Conselho Suco Matai 500pcs, Pre-Escolar 100pcs, EBF Matai 100pcs. EBFC Kiar 100pcs, iha eskola balu ami fo mskra ho numeru bo’ot balu ki’ik tanba hare mos ba numeru estudante nebe eskola ne’e rasik iha.” Katak Martino Alves Segunda Feira (16-03-21) iha Posko EKSES-COVID20 iha Santa Rosa Suai.
Martinho hatutan distribuisaun maskra ne’e sei kontinua to’o eskola hotu nebe lakaliza iha postu administrativu sira hotu iha Covalima nebe livre ona Serka Sanitaria Eseptu Postu Administrativu Fatumea, maibe EKSES-COVID20 sei buka meius hodi trasporta maskra ba to’o Eskola sira iha Fatumea.
“ami sei distribui kobre iha hotu eskola sira iha Municipio Covalima laran tomak eseptu postu Fatumea, maibe ami sei buka mekanizmu atu bele transporta maska ne’e to’o fatumea tanba ema sira iha neba mos persija, aban sei distribui iha eskola sira parte husi Zumalai no nia balu iha Suai nebe mak ohin lakonsege finaliza.” Martinho Alves haktenik.
Engkuantu iha Sorin seluk Ponto Fokal EKSES-COVID20 iha Posto Administrativu Tilomar Charles Da’o Jawa hateten, maskra nebe distribu iha Postu Administrativu Tilomar hamotuk 2000pcs, maskra hirak ne’e aleide fo ba eskola sira no mos balu fahe ba kondotor anguna, no mikrolet nebe halai dirasaun Salele-Suai no mos ba Polisia Eskuadra Tilomar iha Salele.
Iha Salele Tilomar ami distribui maskra ne’e ba iha eskola primaria salele 480 pcs, Smp salele 500 pcs, eskola Primaria ai oan 180 pcs, wetaba 120 pcs, TK 40 pcs Eskola Tekniku Vocasional salele 180,PNTL Esquadran Tilomar iha salale 20 no iha Aldeia ai oan 50 ba kondotor bemo no angguna sira ami fo hamotu 350pcs.” Dehan Ponto Vokal EKSES-COVID20 iha Tilomar Charles Da’o Jawa.
Entretanto Maskra nebe mak EKSES-COVID20 distribui ne’e hanesan apoio emerjensia deit tanba sedauk bele fo ho nominal nebe mak bo’ot no maskra ne’e hetan apoiu husi Povu Coreia liu husi embaxada Coreia iha Timor Leste ne’e fo atraves de Ministerio Administrasaun Estatal (MAE) no nebe EKSES-COVID20 hetan Fiar husi Administrador Municipio Covalima hodi halo Distribuisaun ba Maskra ne’e.
Jornalista : Jhana Cardoso
Editor : Chamot Nahac
