Covalima, 26/08/23—Eis Siguransa (Guarda) Timor Resource ba Perfurasaun Mina Rai Maran iha Munisipiu Covalima hamotuk na’in 8 husu ba kompaña atu selu sira nia direitu tuir responsavelidade no k’nar ne’ebé sira halo ona ba Timor Resource molok hapara sira nia Kontratu.
Eis Siguransa na’in 8 ne’e Timor Resources hahu hapara kontratu iha Tinan 2022, maibe kompaña seidauk selu sira nia osan han durante fulan 8 nian iha periode ambito Covid-19, ne’ebe eis siguransa sira ne’e gasta osan rasik tanba akompaña promete atu re-emborsa fali maibe to’o ikus ida ne’e sai hanesan Pemberian Harapan Palsu (PHP) ba sira (kompaña La selu) inklui sira nia osan gaji 13 tinan 2021 nian.
Eis Siguransa , Rude de Sousa, manisfesta nia razaun ba RCCT iha Covalima dehan, Iha momentu ne’eba, Timor Resource hapara nia tanba, Nia (Rude) iha loron 08 fulan Marsu 2022, Lamenta ho Tratamentu kompaña ba sira hanesan Siguransa ne’e la dignu tanba sira tur no toba deit iha tahu laran iha postu segunransa.
“iha tempu ne’eba ne’e, sira hapara ami ne’e tanba sira dehan ha’u lamenta ho sira nia atendementu ba ami, iha tempu udan ami tur deit iha tahu laran, udan mai ne’e ami bokon hotu, agora ha’u ko’alia ida ne’e, sira dehan ami mak ladi’ak fali, iha kotuk sira dehan halo atenmentu di’ak ba ami, maibe realidade ami jaga ne’e, kuandu udan ami tur deit iha tahu laran, ha’u iha Evidensia, konaba ami jaga iha Postu Siguransa iha Tahu laran ne’e, ha’u iha Video, no mos Foto.” Rude Deklara.
Rude de Sousa mos dehan molok hapara sira, iha situasaun Covid-19, kompaña hapara hotu funsionariu sira, maibe siguransa sira nafatin halo servisu, ho nune’e fornesedor hahan sira mos la hatama ona hahan, nune’e akompaña husu siguransa sira gasta rasik osan kada loron $ 10.00 ba ema ida, no kompaña kompromete atu re-emborsa fali sira nia osan, maibe ida ne’e la sai realidade tanba to’o oras ne’e kompaña Timor Resources seidauk selu.
“iha tempu Covid-19 ne’e ami Jaga, Gasta rasik osan hodi sosa hahan, Timor Resource mak haruka, depois sira atu fo fali ami nia osan, maibe ida hanesan PHP (pemberiann Harapan Palsu) deit ba ami, tanba to’o oras ne’e kompaña haluha ona ami” tenik Rude
Tanba ne’e Reprezenta Eis Siguransa Na’in 8 iha Timor Resources iha Covalima, Rude de Sousa Ejiji ba kompaña Timor Resource atu fo fali sira nia osan han ne’ebe sira gasta ona durante fulan 8, inklui salari 13 tinan 2021, tanba sira kumpri ona sira nia dever hanesan funsionario ba timor resources iha tempu neba.
“ Ami Ejiji buat 3 ba Timor Resources, ida mak Selu Fali ami nia osan han fulan 8 nian, kada loron $10.00, Ami nia Gaji 13 tinan 2021, no mos Timor Resources tenki selu PHK ba ami kuandu hasai ami husi servisu” Katak nia
Rude dehan Sira Na’in 8 hahu servisu ba Timor Resources hanesan siguransa molok antes hahu perfurasaun mina rai maran iha Munisipiu Covalima, iha Tinan 2019 to’o 2022, fo asegura siguransa durante perfurasaun mina rai maran iha Covalima, partense iha Perfurasaun Mina Posu Feto Kmaus no Posu Lafaek.
Eis Siguransa Iha Timor Resources ba Perfurasaun Mina Rai Maran ne’e mak; Rude de Sousa, Calistro, Niko, Tito Tilman, Agus, Anis, Sabino, Sico.
Enkuantu to’o Notisia ne’e hatun, RCCT seidauk halo Konfirmasaun ho Kompana Timor resources
*CBB*
