Informa ba Jornalista sira, Diretóra Servisu Munisipal Edukasaun Munisipiu Covalima, Elda de Fatima haktuir profesores na’in 16 ne’e koloka ona ba eskola Eskola Baziku Centra (EBC) no Eskola Baziku Filial (EBF) ne’ebé lokaliza iha area rural.

“Koloka ne’e barak liu mak iha Zumalai, iha Lepo na’in rua, iha Mape, iha Hare kain, ho Pelet, so iha Soilogia mak  konsege koloka nia ba iha Salele tanba nini Espesifiku iha Disiplina Sensias Naturais tanba iha Salele presija professor Matematika na’in rua no Siensia Naturais rua, entaun Profesor Espesifiku ida ne’e  duni entaun ha’u  koloka nia ba” Diretóra Servisu Munisipal Edukasaun Munisipiu Covalima, Elda de Fatima haktuir.

Elda de Fatima, fundamenta, dadaun ne’e profesor na’in 16, iha na’in 15 mak hala’o ona sira nia k’nar iha eskola ne’ebé sira destaka ba, maibe professor na’in ida mak destakada iha Eskola Usekai seidauk aprezenta nia an iha Servisu Edukasaun Covalima.

“Total Profesores Segundu faze mai Covalima lolos ne iha 16 profesores maibe na’in ida la marka prezensia to’o ohin loron, entaun hela 15 profesores nai ida ne’e naran mak iha maibe nia la marka prezensia to’o ohin loron, lahatene kala nia hatene dehan Usekai ne’e fatin ida areas remotas ne’e mak nia la mai ne’e, se nia mai karik mak nia aprezenta an karik nia hato’o nia deklarasaun ita bele hatene maibe ne’e nia la mai ne’e ” Diretóra Edukasaun Munisipiu Covalima, Elda de Fatima

Entretantu Profesores hirak ne’e Edukasaun  koloka ona ba eskola sira mak hanesan EBC Zumalai, EBF Oebaba, EBF Lepo, EBF Harekain,EBF Pelet, EBF Mape, no  iha EBF Soilogia maibe muda fali ba , EBC Salele, tanba manorin ne’e nia materi espesefiku iha Siensia Naturais.

Jornalista: Moichung

Editor : Chamot Nahac