Xefe Unidade Enerjia Eletrisidade Munisipiu Covalima, Anorito Mendonça, Rekoñese, Komunidade iha Aldeia Fatuisin durante Semana Rua Sira la asesu ba eletrisidade tanba impaktu husi trafo ne’ebé rabenta ka at.
“Loos duni Ita Nia komunidade iha Aldeia Fatuisin, Suku Kamanasa la asesu ahi Eletrisidade durante Semana Rua, maibe Hau fiar katak oras Ida kalan Sira bele asesu ona ba ahi eletrisidade tanba Tekniku Sira komesa monta ona trafo foun, ahi lalakan iha Fatuisin semana Rua resin ne’e tanba kauza husi trafo ne’ebe rabenta ka at, tanba ne’e iha loron Segunda foin lalais ne’e hau tun ba Dili Lorin kedas pedidu ba hatama iha nasional hetan kedas responde tan ne’e trafo ohin dader to’o mai ohin hau ho Tekniku Sira monta kedas oras ida kalan ahi bele Lakan ona iha Fatuisin” dehan Xefe Unidade EDTL Munisipiu Covalima Anorito Mendonça ba RCCT hafoin monta trafo Foun iha Aldeia Fatuisin Sesta (26/01).
Anorito Mendonça husu ba Komunidade liu liu ba juventude sira iha aldeia atu bele kopera hodi hato’o infrmasan ba tekniku EDTL ligadu ho problema eletrisidade.
“Husu ba ita nia komunidade liliu ba joven sira Iha Fatuisin tenke kopera malu ba agora ita hanoin ba oin hodi hadia ita nia rain, Ita buat balu ne’ebe at karik liliu ligadu ho ahi eletrisidade bele hato’o ba iha EDTL bele vuka meus hodi hadia” Nia dehan.
Entertantu Xefe Unidade EDTL Munisipiu Covalima Anorito Mendonça promote katak eletrisidade iha Aldeia Fatuisin Suku Kamenasa sei lakan hikas fali hahu orasida kalan, depois tekniku sira remeta monta hikas trafu foun hodi troka trafu ne’ebé rabenta.
Editor : Chamot Nahac
