Covalima (RCCT) 26-04-21 Impaktu hosi du’ut nebe naruk halakon Paisajen furak Aeroportu Internasional Comandante-Em Chefe das Falintil Kay Rala Xanana Gusmão hosi ema hotu nia matan
Liga ho Kestaun ne’e, Diretor Aeroportu Internasional Comandante-Em Chefe das Falintil Kay Rala Xanana Gusmão iha Municipio Covalima, Miguel Soares esplika, du’ut nebe agora naruk, tanba durante ne’e la iha orsamentu atu haruka pessoal sira hamos du’ut iha resinto Aeroporu Xanana Gusmão iha Covaima.
“ Iha Aeroportu ne’e, buat nebe maka ami bele hamos maka Pista, maibe du’ut sira iha sorin-sorin ne’e ami labele haruka ema hamos, tanba baseia ba orsamento, orsamento la iha oinsa maka ita haruka ema bele hamos du’ut sira ne’e ” Diretor Miguel Soares esplika iha Aeroportu Suai, Segunda Feira (26-04)
Diretor Miguel hatutan, du’ut ho Ai nebe naruk iha Aeroportu ne’e konsidera impaktu ba Movimento Aviaun, tanba ne’e nia halo ona proposta ba parte relevantes maibe seidauk iha responde no sei depende ba orsamento.
“ Du’ut naruk sira ne’e, depois Ai sira nebe maka besik Aeroportu ne’e fo impaktu ba movimento Aviaun sira ne’e, tamba ne’e maka ha’u hato’o ona Proposta ba Nasional, maibe nafatin depende ba Orsamento, osan iha ita halo, maibe osan la iha, ita labele halo buat ida ” Diretor ne’e hatutan.
Entertanto Observsaun Jornalista hatudu, du’ut sira komesa naruk no buras iha Aeroportu Suai, inklui Ai-hun balu komesa naruk no bo’ot, karau ten komesa barak iha Aeroportu oin, no iha mos sorin-sorin, tanba menus konsiensia husi Komunidade sira atu sulan sira nia animal.
Jornalísta : Tynho Gusmão
Editor : Chamot Nahac
