Covalima (RCCT) 21-04-25-Servisu Alfandega Covalima liliu ekipa Jestaun Postu Integradu Fronteira Salale seidauk detata merkadu ria kontra bandu wainhira utiliza makina X-Ray hodi halo Scanner ba kareta bo’ot ne’ebé tula sasan Merkadoria tama husi Atambua, Indonezia Mai Covalima Timor Leste husi fronteira Salele.
Diretór Alfandega Munisipiu Covalima, Nuno Nogueira, dehan komesa iha inisiu fulan Marsu to’o Abril nia laran, uza ona makina X-Ray hodi halo Scanner ba merkduria importasaun maibe seidauk deteta sasan sira kontra bandu.
“Desde utiliza ita nia makina X-Rai hodi halo Scanner ba sasan ne’e, primeiru ita Scanner atu hodi identfika risku, makina ne’e bele identifika ona katak iha fatin ida ne’e presija haree tanba sinal ida ne’eba ita nia funsionariu sira, kuandu sasan sira mai, ita deskonfia iha risku bo’ot ruma liliu ba transporte tula sasan merkadoria ne’e ita sei halo verifikasaun pursentu 100 maibe depende ba nia risku, ne’ebé kuandu risku bele atinje pursentu 50, bele atinje pursentu 75 to’o pursentu 100, ne’ebé ita halo tarjetu ba hodi halo intervensaun ba sasan, maibe durante utiliza makina refere hodi halo scanner la deteta risku ruma” informa Diretór Alfandega Munisipiu Covalima Nuno Nogueira, ba RCCT iha nia Knar fatin Postu Integradu Salele Kuarta (16/04).
Diretór Alfandega ne’e haktuir, normalmente sempre hasoru problema konaba deklarasaun merkadoria ne’e iha ne’ebé hanesan erru ki’ik mak komete husi impirtadir sira..
“Ita utiliza makina X-Rai ne’e hahu fulan marsu to’o abril seidauk deteta buat ruma hanesan normalmente problema konaba deklarasaun merkadoria, iha problema konaba presu, ida ne’e ita aplika konaba sansaun, koima ba ita nia importador sira” Nia dehan.
Enkuantu molok utiliza makina X-Ray hodi halo Scanner ba kareta bo’ot sira tula sasan importasaun iha liña fronteira Salele, sempre deteta sasan ne’ebé kontra bandu hanesan plastiku no seluk tan, maibe hafoin iha fulan Marsu to’o Abril utiliza makina X-Ray hodi halo Scanner ba importador sira la hatama ona merkaduria kontra bandu mai timor leste liu husi fronteira salele, tanba makina X-Ray la deteta kareta tula sasan ne’ebé risku ruma.
Jornalista : Julio Salinas
Editor. : Chamot Nahac
