Covalima-RCCT- Durante Timor-Leste Implementa Estadu Emergnsia(EE) tanba Covid-19, Komando Polisia Nasional Timor-Leste(PNTL) Municipio Covalima kaptura Sidadaun hamutuk na’in 63 nebe maka halo Movomentu ilegais hodi hakat fronteira Timor Leste-Indonesia.
Dehan Komendante PNTL Municipio Covalima Super-Intendente Antonio Maria de Sa, Segunda Feira(5-10-20) b a jornalista sira iha salaun administrasaun Municipio Covaliama wainhira partsipa iha Sosializasaun Dekreto Lei No8/2020 nebe halo husi Autoridade Nasional Petrolio no Minarais (ANPM).
“iha implementasaun Estadu Emergensia ba dalima ninian Polisia Nasional Timor-Leste liuliu ba Komando Jeral Municipio Covalima, ho farsa F-FDTL,Polisia UPF nebe mak detaka iha Linha frontera ninian halo kapturasaun ba Sidadaun Covalima hamotuk na’in 63 nebe pasa ilegamente lu husi Fronteira.” Dehan Komandante PNTL Covalima Sup-Intendente Polisia Antonio Maria de Sa.
Komandante Antonio mos Afirma husi Sidadaun nain 63 ne’e balu Eis membro Grupo Arte Marsias no balu komunudade babaain.
“Entre sira ne’e ne’e mak barak liu mai husi grupo arte masiais nebe mak tenta hakat liu husi linha fronteira ho ilegalmente hodi ba sa’e sira nia sabuk iha Atambua-Indonesia” tenik Komandante Antonio de Sa.
Komandante de Sa mos dehan hafoin de kaputura sidadaun sira ne’e, Polisia Covalima Intrega kedas ba Parte Servisu Saude Municipal hodi bele aplika regras Prevensaun Covid-19 nian.
“sira fila mai ami aplika kedas regras partikular ba sira hodi hatama sira ba iha kuarentena no hodi kumpri tuir regras EE ninian tanba Covid-19, no remata husi kuarentena no mak submete ba iha investigasaun, no sei apresenta ba iha Ministeriu Publiku hodi halo Julgamentu tuir Lei ne’ebe mak vigora ona ita konstituisaun timor-leste ninian. ”katak Komendate PNTL Super Intendente Antonio Maria de Sa.
Tan ne’e Komandante Polisia Covalima ne’e nafatin husi ba Komunidade sira atu mantein kopersaun ho PNTL,F-FDTL hodi bele evita hahalok kontra bandu nebe tenta tama no sai liu fronteira Timor Leste Indonesia ho ilegalmente.
Jornalista : Jhony
Editor : Chamot Nahac
