Covalima (RCCT) 28-01-25-Domingos Amaral hafoin simu pasta nudar Koordenador ba Servisu Rejistu no Verifikasaun Emprezarial, Instituto Publiku (SERVE, I.P) Sukursal Munisipiu Covalima, disidi atu kria kondisaun konfortabel ba kliente sira hodi trata lisensiamentu komersial iha SERVE, I.P Covalima.
Domingos Amaral hatete presija halo jestaun no mudansa ba atendimentu hodi hafasil no halais kliente sira halo prosesu trata lisensa komesial. Nia dehan maske ho sei iha ekipamentu ne’ebé menus maibe nia kurizu sei susesu iha servisu hodi fo atendimentu kliente.
“Hafoin simu mandatu ita halo ona jestaun balu ba iha ita nia atendimentu katak uluk sira ne’e ita halo atendimentu iha fatin ida deit no agora daudaun ita halo ona jestaun, ita halo ona mudansa ba atendimentu katak ita simu dokumentu sira husi kliente ne’ebé maka mai renova, mai rejistu foun no alterasaun ne’e iha fatin ida no ita simu atu legaliza ho pasa resivu iha fatin seluk atu nune’e ita labele halo atendimentu bou an iha fatin ida de’it, mais oinsa ita bele koloka ona fatin hodi nune’e sira mai rejistu ne’e ho di’ak no fatin espasu ba sira atu halo rejistu, ita halo daudaun jestaun balu para oinsa ita bele atendimentu kliente ho di’ak no konfortabel. maske buat balu menus hela ita koko para koloka bainhira balu free maka bele troka malu servisu ho nune’e servisu hotu bele lao ho di’ak” nia dehan.
Tuir Koordenador SERVE, I.P Sukursal Munisipiu Covalima, Domingos Amaral, dehan rekursu umanu sufisiente atu koloka hodi halo atendimentu ba komunidade ka kliente sira mai tarata dokumentus komersial iha SERVE. I.P Covalima.
“Total hamutuk funsionariu na’in-26, ita nia atendimentu publiku hamutuk ema na’in-15, ne’ebé ita fahe ba iha renovasaun, alterasaun, novo rejistu, prosesu dokumentus nomos para resivu inklui legaliza iha ema na’in-3, ba iha prosesu dokumentus ema na’in-3 no ema na’in-3 ba iha baze de dadus, depois restu husi ida ne’e ita koloka ba iha novo rejistu alterasaun no mos renovasaun dokumentus, ita koloka sira tuir sira nia unidade ne’ebé agora dadaun ita iha SERVE, I.P Sukursal Covalima sufsiente ba rekursu umanus tanba ita iha ativu na’in-3, ita iha administrasaun finansas pesoal na’in-3, iha lojidtiku mos iha ema na’in-3 ne’ebé ita iha rekursu sufsiente” nia dehan,
Koordenador SERVE I.P Sukursal Munisipiu Covalima, Domingos Amaral, kompromete, maske sei menus fasilidade ka ekipamentu servisu maibe nudar dirijente sei buka meus hodi bele koloka servisu ho di’ak tuir tarifa servisu funsionariu sira nian iha SERVE I.P Sukursal Munisipiu Covalima.
Jornalista : Julio Salinas
Editor : Chamot Nahac
