MAUCATAR (RCCT)-28-11-23—Komemorasaun loron Proklamasaun Unilateral Timor Leste ba dala 48, munisipiu hotu hetan fallansu iha deskursu Prezidenti da republika tanba iha pontu sekuensa serimonia isar da bandeira, Deskursu Prezidenti da republika rona direta apar ho serimonia iha Nasional.

Munisipiu sira partikulamente iha Covalima infrenta fallansu ne’e tanba kauze iha Postu Administrativu Serimonia hahu sedu, tuku walu liu minitu tolu nulu dader maibe iha Nasional komesa tarde haleu oras tuku sia.

Tan ne’e Diretór Jeral iha Ministeriu Obras Publiku, Domingos de Jesus Sequeira, reprezenta governu da sia koloka mai Postu Administrativu Maukatar rekuñese iha serimonia ne’e hetan fallansu hein diskursu Prezidente Republika nian to’o oras ida maske bandeira nasional hasa’e hotu ona.

“Iha serimonia ida ne’e maske ita iha failla maibe ha’u hanoin iha fatin hotu-hotu ita hein diskursu Prezidente Republika nian, komu ita iha foho ho ita nia kondisaun ne’ebé ita laiha vijitante ida barak, ita direitamente tama ba iha serimonia kezerke ita lais liu, tanba ne’e ita nia komunidade ho estudante sira ne’ebé hamrik iha loro manas hodi hein diskursu, ita nia fallansu mak ida ne’e, prinsipiu sira seluk, partisipasaun komunidade honestu, ba xefe suku eleitu sira nia partisipasaun hau haree masimu tebes” deklara Diretór Jeral Ministeriu Obras Publiku, Domingos de Jesus Sequeira, ba RCCT hafoin reprezenta governu sai inspetor ba serimonia hasa’e bandeira hodi selebra 28 Novembru ba dala 48 iha Postu Administrativu Maucatar Tersa ne’e.

Nia dehan hahu husi primeiru governu mai to’o governu da sia maka foin primeiru vez haruka ninia reprezentante mai to’o nivel postu sira hodi sai inspetor ba serimonia hasa’e bandeira nasional.

“Ha’u hanoin husi primeiru governu ate governu dasia foin primeiru ves governu ninia reprezentante mai to’o postu reprezentante ida pur ida, kordenasaun entre Ministeriu Administrasaun Estatal ho ministeriu hotu atu aloka ninia reprezentante ida-idak kada administrasaun postu, tanba ida ne’e konfiansa ne’ebé husi MAE kanaliza husi Ministeriu Obras Publiku, ha’u reprezenta MOP tanba ida ne’e ha’u tenke haka’as an mai to’o iha fatin ida ne’e, husi ami nia prezensa ida ne’e fila ba sei hato’o ba ami nia lideransa ministeriu no mos kordena ho MAE atu oinsa organiza serimonia ida hanesan ne’e ho kualidade diak liu tan ba futuru” nia dehan.

Nune’e mos Administrador Postu Administrativu Maukatar, Constantinho Amaral, dehan tinan ida ne’e governu realiza atividade bo’ot rua maka hanesan selebra loron proklamasaun independensia 28 Novembru ba dala 48 no atividade ida seluk maka fo pose ba konsellu suku sira ne’ebé eleitu iha eleisaun foin lalais ne’e, tan ne’e administrador postu agradese ba Misteriu Administrasaun Estatal no husu xefe suku foin sira bainhira simu ona pose fila ba tenke halo atendimentu ida ne’ebe diak no dignu ba povu.

“Ha’u hakarak informa katak serimonia ida ne’ebé importante maka serimonia aniversariu independensia ba dala 48, no mos loron tomada pose ba lideransa suku ninian, hanesan administrador agradese ba MAE ne’ebé ho servisu masimu hodi realiza serimonia rua iha tinan ida ne’e, fiar katak ba juventude tomak liliu ba Maukatar oan sira mantein nafatin ho ninia istoria ba futuru, no mos husu ba xefe suku eleitu sira tenki halo atendimentu ida ne’ebé di’ak ba povu tanba objetivu lideransa komunitaria ne’e atu halo atendimentu ba komunidade iha kualker tempu, la haree tempu kalan maka ne’ebé loron maka ne’ebé, objetivu prinsipal ne’e ba halo atendimentu di’ak no dignu ba komunidade iha suku” nia informa.

Entertantu iha Postu Administrativu Maukatar realiza serimonia hasa’e bandeira nasional hodi kommerora loron proklamasaun independensia unilateral ba dala 48 ne’e hahu iha oras haleu tuku 8:20, maibe bainhira bandeira sa’e hotu ema hotu hamrik iha loro manas nia laran hodi hein diskursu Prezidente Republika nian kuaze oras ida resin.

Jornalista : Julio Salinas

Editor       : Chamot Nahac