Covalima (RCCT) 13-03-25 Diresaun Munisipal Jestaun Merkadu No Turismu Covalima ( DMJMTC ) realiza sensibilizasaun informasaun konaba sei dezenvolve fatin turizmu 6 ne’ebé identifika ona iha Postu Administrativu Fatumea, Munisipiu Covalima
Diretóra Servisu Munisipal Jestaun Merkadu no Turismu Munisipiu Covalima, Teresa Pires, relata governu liu husi ministeriu relevante sira halo prosesu kontinuasaun hodi promove fatin turizmu ne’ebé ona Fatumea. Engkuantu Fatin Turizmu iha Postu Fatumea ne’e kompostu husi Turismu Istoriku Relijiozu no Turismu Kultural ne’ebé lokaliza iha Suku Be Lulik Leten no Suku Fatumea nune’e.
“Iha fatumea ami halo ona promosaun fatin turitiku nen no iha suai laran hamutuk 32 situs turistiku ne’ebé mak ami halo promosaun liu husi Bunner sira ne’ebé mak ami promosi iha loron bo’ot iha dia 28 de Novembru no mos iha dia 20 de Maiu” Diretóra Servisu Munisipal Jestaun Merkadu No Turismu Munisipiu Covalima, Teresa Pires
Entretantu Diresaun Munisipal Jestaun Merkadu no Turismu sensiviliza ba komunidade no lideransa komunitariu sira iha Postu Administratvu Fatumea konaba fatin turizmu ho nia tipu istoriku natureza relijiaun, Istiriku Kultura ne’ebé lokaliza iha suku fatumea no suku be lulik leten.
Jornalista : Alfredo Barreto
Editor : Chamot Nahac
