Covalim (RCCT) 01-07-24-Domingo foin lalais, District 9560 no Australia and Rotarians Helping Timor liu husi Rotract Club of Covalima (ROCCOV) continua distribui nesesidade basiku, aihan no la’os aihan ba komunidade vulneravel no ema ho difisiensia inklui inan isin rua ne’ebe afeta ba inundasaun iha postu adminstrativu Zumalai no Maucatar hamotuk ema nain 28.
Prezidente Rotract Club of Covalima (ROCCOV) Vitoria Maria do Carmo Barros, relata konaba iha kooerasaun servisu ne’ebe di’ak ho autoridade lokal sira hodi identifika familia vulneravel, ema ho difisiensia liu liu sira ne’ebe afeta ba inundasaun hodi hetan apoiu emerjensia, aihan no la’os aihan.
“Apoiu ne’ebe mak ita hetan hodi ajuda ita nia maluk sira ne’ebe afeita inundasaun no maluk sira vuneravel ne ita hetan apoiu husi ita nia maluk sira District 9560 no Australia Rotract Club of Covalima (ROCCOV) no ita nia apoiu ne ba ita nia maluk sira afeita ba inundasaun ne’e ho maluk sira vuneravel no nudar prezidente ba ekipa voluntariu ida ne ita nafatin buka meus oinsa atu kolabora ho ita nia autoridade local sira para bele apoiu sira ho ita nia kbit ne’ebe naton ita hetan hsui ita nia maluk sira iha rai liur” Vitoria Maria do Carmo Barros, relata.
Xefe AldeiaTalioan, Domingos da Ressureão Cardoso, kontente ho apoiu ne’ebe Rotarians Helping Timor fo liu husi Rotract Club of Covalima (ROCCOV) ba nia komunidadede tanba bele hakman komunidade sira nia presiza iha tempu badak.
“Obrigadu ba ekipa husi ROCCOV ho Rotract Australia tanba bele ajuda ona hau nia komunidade ho ida ne ami kontenti tebes tanba bele hetan ona ajuda husi sira” Dehan xefe aldeia.
Entretantu District 9560 no Australia and Rotarians Helping Timor liu husi Rotract Club of Covalima (ROCCOV) fo ona Apoiu Aihan no la’os aihan ba familia vulneravel, ema ho difisiensia no inan isin rua no fo susu bebe iha Postu Administrativu Tilomar,Suai, Maukatar no Zumalai hamotuk ema nain 114.
Jornalista: Moichung
Editor : Chamot Nahac
