Ba jornalista sira Komandante PNTL Munisipiu Covalima, Superientendente Polisia Calisto Gonzaga, rekunese komunidade nia karau mate tanba bala musan, maibr seidauk serteza se mak sai autor hodi tiru kunidade nia karau iha Zumalai,  Suku Thasili, Aldeia Kulu oan no Halik Suku Beko Postu Suai.

“Ita rona tiha novidades ida ne’e husi komunidade sira ne’ebe lamenta, ita hatun rede sekreta sira ho komandante eskuadra Zumalai ba konfirma iha terenu no fin asaun ne’e la’os iha Tashilin maibe nia iha area Suku Beko, Aldeia Halik, no konfirma katak iha duni animais komunidade nian balu mate, balu kanek, diskonfia ne;e mai husi bala musan ema tiru, ita konfirma mos situasaun ne’e ho ema karau na’in sira pelumenus ema na’in-3, husi ema na’in-3 ne’e konfirma katak parese akontese iha periudu ida ne’ebe ita husik hela ita nia Munisipiu Covalima hodi ba konsentra hotu iha Dili, wainhira iha ba partisipa iha vizita Sua Santidade Papa Francisco mai, tanba sira hetan tiha karau kanek ho mate ne’e iha periodu loron 12-13 fulan fulan semtembru, karau hamutuk 6,  tolu kanek no tolu mate, husi karau 6 ne’e ida maka karau metan no 5 karau baka” informa Komandante PNTL Munisipiu Covalima, Superientendente Polisia Calisto Gonzaga.

Komandante PNTL Munisipiu Covalima, Superientendente Polisia Calisto Gonzaga afirma relasiona ho aktus hirak ne’e parte seguransa sei esforsu hodi identifika atu  bele hatene konaba autor sira ne’ebe uza arma hamate komunidade nia animal hakiak ne’e.

“Ita sei dauk identifika ema ruma tanba komunidade diskonfia hatete katak ne’e tiru, maibe kanek sira ne’e kanek tuan tiha ona, maibe ita nafatin simu informasaun ne’ebe sira lamenta dehan katak ne’e so instituisaun rua maka iha kilat, maibe ita halo hela estudu ida para bele ita identifika ema hirak ne’ebe maka tama iha asaun ida ne’e, ne’e maka ita konfirma ho karau na’in sira tempu badak ita halo operasaun para bele identifika, maibe hau fiar katak ba maluk sira hotu iha area juridiku Covalima hau fo hanoin ba instituisaun sira ne’ebe talves hanoin atu kasa ba iha fatin ida ne’ebe maka kasa, labele kasa ba iha animal komunidade nian liliu iha area Halik, Kasabauk, Beilaku ho fatin hotu-hotu ne’ebe maka fasil loos ema atu kasa bukla hela karau tilun tomak, buka tilun tomak ida ne’ebe maka loloos labele kasa fali ba animais ita nia komunidade sira haki’ak” komandante informa.

Enkuantu realsiona ho informasaun konaba ema deskonesidu uza kilat  hamate komunidade nia animal haki’ak hanesan karau iha area Kulu-Oan ho Halik, tan ne’e parte seguransa liu husi Komandante PNTL Munisipiu Covalima, Superientendente Polisia Calisto Gonzaga, halo ona konfirmasaun ba iha nasional para atu bele hetan konesementu ba asaun ida ne’e.

Jornalista : Julio Salinas

Editor       : Chamot Nahac