Disidi Fila ba Municipio Estudante atus ida resin kumpri Kuarentena Iha Bairo Costa Suai

Covalima (RCCT) 08-04-21-Relasiona ho dezastre naturais nebe akontese iha kapital Dili halo ema hotu sai vitima ba dezastre ne’e, tanba ne’e estudante Covalima oan nebé hala’o estudu iha kapital Dili desidi fila ba hamotuk ho inan no aman iha Municipio Covalima.

Medico Geral Kuarantena Suai Doutor Juvelino D.A Cardoso de Jesus hateten, dadus atual iha kuarantena Bairo Costa Suai hamutuk 117, no husi total ne’e maioria estudante sira nebe foin fila husi kapital Dili mai Covalima.

Ita agora dadauk iha ne’e dadus atual nebe mak agora akumula iha kuarantena ne’e total 117, sira ne’e maioria estudante sira mai husi Dili hotu razaun tanba ho inundasaun nebe akontese iha capital Dili iha dia 04-04-2021, sira ne’e maioria mai husi dalan ilegal maske laiha karta husi jestaun crize ne’e laiha, maibe sira nafatin buka meius oinsa fila fali ba sira nia hela fatin”informa Doutor Juvelino D.A Cardoso de Jesus.

Medico Geral ne’e informa liu tanestundantes sira ne’e mai husi area afeitadu, tanba ne’e ekipa Saude husi kuarentena halo kedas teste swap ba sidadaun hirak ne’e hodi hein rejultadu.

“Kazu nebe positivu aumenta bebeik iha Dili, no sira ne’e mai husi fatin nebe risku ita sempre halo teste ba sira, teste swab ida ne’e ita sempre halo ba sira karik sira tama ona iha kuarentina, loron tuir fali ita sempre halo teste karik resultadu ne’e sai mak resultadu refere  negativu no ita sei reintrega fila fali ba ida idak nia familia.”  Juvelino de Jesus

Entertantu husi dia 6 de abril to’o dia 8 de abril ohin total estudante nebe fila husi kapital Dili mai Covalima hamutuk ema na’in 117 kompostu husi feto 28  mane 89, no ba dadaun ne’e estudante  nebe mai husi Dili hamutuk 22 mak halo reintrega ba sira nia familia hafoin hetan resultadu husi teste swap negativu.

Jornalista   : Saturnino Soares & Elio dos Santos

Editor        : Chamot Nahac