COVALIMA (RCCT)10-03-2- Ekipa Servisu Covalima Vitoria ho Domin20 ka habadak “ EKSES-COVID20 ” hanesan ekipa nebe servisu ho voluntário iha Municipio Covalima no iha Kapital Dili, hodi apoio Umanitaria husi komunidade no Emprezáriu Lokál no Nasional sira iha Kapital Dili nomos iha Covalima hodi tulun komunidade sira nebe durante ne’e Infrenta menus ai-han iha Covalima liu-liu iha area afetados ba moras Covid-19.
Liu husi kontribuisaun ne’ebe maka EKSES-COVID-20 halo iha situasaun difísil ida ne’e, maka
Ko’alia ba RCCT Diretor MSSI Municipio Covalima Agapito Assis Cardoso konsidera Joventude no estudantes inklui Komunidade iha Dili, nebe hamahon an iha EKSES-COVID20 ne’e iha Spiritu Voluntarismu nebe ho fuan bo’ot hakarak kontribuisaun iha Situasaun difisil nebe Covalima Hasoru dadaun.
“Agora dadauk ita nia Joventude sira nebe maka hamahon an iha EKSES-COVID20, sira nia kontribuisaun bo’ot tebes, tanba sira ho voluntario mai para atu servisu hamutuk ho interese ida atu tulun ou fo apoio ba ita nia komunidade sira iha area afetado, ha’u sente ida ne’e di’ak tebes ba ita nudar Covalima oan ” Diretor MSSI Covalima dehan ba Jornalísta RCCT iha Eis Residência Administrador Municipio St, Rosa, Debos, Suai.
Diretor ne’e informa liu tan maske hasoru difikuldade nebe barak, maibe konsege ultrapassa situasaun ida ne’e, apoio aihan ba komunidade sira iha Area Afetadu la’o nafatin, tanba ne’e maka presija melhora didi’ak servisu hamutuk no kordenasaun de servisu entre EKSES-COVID20 ho entidades hotu, hanesan covalima oan hodi bele servi rai Covalima.
“ Maske iha situasaun difikuldade maibe ida ne’e la’os obstákulu ba ita, tanba ne’e ita ultrapassa situasaun ida ne’e hodi apoio aihan sira la’o nafatin iha Fatumea, no planu agora atu ba Posto sira seluk, ida ne’e maka precisa melhora di’ak liu tan ita nia servisu hamutuk, ita nia kordenasaun de servisu ho entidades hotu hanesan Covalima oan para hodi bele servi ita nia rai Covalima ida ne’e ” Diretor MSSI Covalima Agapito Assis Cardoso hakotu.
Jonalista : Tynho Gusmão
Editor : Chamot Nahac
