Covalima (RCCT) 01-03-24-Diretór Eskola Sekundaria Jeral Publiku (ESGP-Sigla Portugues) Suai, Abel Sarmento la rekuiñese estudante hamotuk na’in 317 ne’ebé dadaun ne’e hala’o aula aprendizajem iha klase paralela Salele tanba laiha despaixu no menus koordenasaun entre eskola sentral ho responsavel klase paralela Salele.
Diretór ESGP Suai Abel Sarmento, informa eskola sentral seidauk hasai despaixu atu koloka estudante sira hala’o aula aprendizajem iha klase paralela salele, tanba Diretór eskola konsidera estudante no manorin sira ne’e abandona aula aprendizajem ka falta.
“Durante ne’e sira ho ha’u komunikasi la iha, sira halo buat ruman ha’u la hatene, ne’ebé durante ne’e atu mai hakbesik ko’alia laiha, ne’ebé ha’u la hatene, hau seidauk haruka despaixu ba, maibe sira ba uluk ona, ne’ebé sira ba ne’e ha’u tau falta tanba depaixu husi sentru la iha ,tanba menus liña kordenasaun tanba la haruka dauk maibe alunus ba uluk tian ha’u la hatene ida ne’e, maibe ita sei hadi’a tanba hodi eskola hakbesik ba komunidade n’ee mak di’ak, ha’u nia prekupasaun mak rekursus humanu, iha sentru deit mos la to’o haruka ba tan ne’e todan bo’ot ida, ha’u atu foti medidas ne’e kecuali ha’u ko’alia bazeia ba despaixu ruman mak husi edukasaun munisipal ou nasional tun mai katak eskola ne’e hambrik mesak n’e mak ha’u bele foti desizaun maibe ha’u foin lalais enkontru aha dili ne’e katak eskola paralela labele kecuali klase paralela, ne’e señor Mateus mak ko’alia lansung, maibe eskola paralela ho klase paralela sei lafo dalan ne’ebé tuir ami nia hare ne’e eskola salele ne’e sei klase paralela” Diretór Eskola Sekundaria Publiku Jeral Suai, Abel Sarmento Esplka.
Notisia relevante : https://radiosuai.blogspot.com/2024/03/asistente-profesor-nain-19.html
Maibe Diretór ESGP Abel Sarmento konsidera importante tebes lori edukasaun besik ba komunidadenia let, maibe realiza aula aprendizajem iha klase paralela salele dadaun ne’e, teknikamente sei fo difikuldade ba estudante 12o tanba menus de rekursu.
“Foin lalais ne’e, kordenasaun ladun di’ak, sira aviza iha Igreja dehan kelas 1 to’o kelas 3 tenke fila ona, mais sem kordenasasaun ho ami, ne’ebé labarik sira agora ne’e fila barak mak ba salele ona, ne’ebé kelas 3 ne’e atu halo nusa?, kelas 3 ne’e hare tekniku ne’e araska ituan tanba sira la hatene, servisu tekniku ne’e sira la hatene, asal ba neba la hatene nia kriteria oinsa ne’e, la hatene asal ba deit ne’ebé kordenasaun ladun di’ak, ha’u nia hakarak ne’e tamba kalase paralela salele ne’e dok liu, ita kasian, maibe rekursu Umanu la to’o, sentru la to’o ita haruka tan ba ne’eba ne’e susar liu tan, tamba sentru mos agora ne’e menus la halimar, ha’u nia hanoin ne’e mau tidak mau, tenke ser kleur ka lais tenke desloka labark sira ne’e ba ne’eba tamba dok liu ita tenke lori eskola ne’e ba besik liu komunidade mak di’ak, dok liu ne’e la diak” Tenik Diretór Abel.
Iha sorin seluk Profesor asistente tekniku kurikulem paralela Salele, Daniel Cardoso rejeita deklarasaun Diretór eskola konaba laiha kordenasaun tanba Daniel konsidera klase paralela salele indika iha ligasaun ho eskola sentral.
Nia esplika durante ne’e sempre halo kordenasaun ho eskola sentral liga ho numeru estudante no mos no manorin na’in hodi hetan lista nomeasaun husi eskola sentral ba aula aprendizajem iha klase paralela salele.
“ok pronto ha’u sente ida ne’e eskola ne’e eskola ida ne’ebé mak klase paralela, eskola ne’ebé mak indika katak nia iha ligasaun ho ida ne’eba, kuandu la iha liña kordena ne’e buat ketak ida, entaun husu mos sira direita ne’ebé mak diresaun responsavel ba iha sentral se karik mak la iha ligasau,n oinsa ba numeru estudante balun ne’ebé mak ita la’o dadaun ida ne’e e depois professor ne’ebé mak hanorin iha ne’e inklui mos atan ha’u rasik, ha’u mos iha ha’u nia oras aprendizajem ne’ebé mak iha sentral, oinsa laiha liña kordena entaun karik bele ha’u husu dehan deit katak mais ou menus se kuandu ida hanesan e husi parte diresaun kuñese ha’u ka lae karik ha’u ba iha ne’eba, se kuandu la iha liña kordena maibe ha’u sente ba ida ne’e se karik ita bele husu direita deit ba iha responsavel masimu husi eskola sentral, ba ha’u mak ne’e liña kordena nafatin bebeik bebeik ba iha ne’eba hodi bele submete oinsa ba iha numeru professor oinsa ba iha numeru estudantes para oinsa ita atu hatene numeru inklui eskola sentral ho eskola paralela salele nia total estudantes ne’e iha tamba numeru ne’e hotu-hotu sai husi ne’eba la iha numeru foun ida ne’ebé maka mai husi paralela ba fali iha sentral, sentral maka nomea numeru mai iha ne’e hodi bele submete kontinua ba paralela ba iha ita nia fatin, kordenasaun baibain,” Profesor asistente tekniku kurikulem paralela Salele, Daniel Cardoso, esplika.
Engkuantu, prosesu aprendizajem iha klase paralela salele dadaun ne’e la’o normal ba alunu sira hamotuk ema na’in 317, tanba hetan kontribuisaun husi professor hamotuk ema na’in 46, kompostu husi, profesor permanente tilomar oan ema nain 12, professor parsial ne’ebe destaka husi ensino basiku 15, no mos asistente professor sira hamotuk na’in 19.
Entretantu, Diretór Eskola Senkundaria Publika Suai, Abel Sarmento konsidera importante tebes atu lori edukasaun liu ba komunidade.
Jornlista: Moichung/Mauk Anis
Editor : Chamot Nahac
