Maske ho implementasaun Estado Emerjensia ba haat maibe eskola hotu iha Municipio Covalima la’o normal tanba konsidera EE dahaat la impede prosesu aprendijazen nebe estudante sira hala’o iha Covalima, lia ne’e hato’o husi Diretor Edukasaun Municipio Covalima Edmundus Ferreira ba Jornalista Radio Cova Taroman Tersa Feira ohin (11/0820) iha nia knar fatin.
Edmundus hatete iha Municipio Covalima eskola hotu 100% reativa ona no prosesu aprendijazen la’o normal hanesan ho Tinan kotuk.
“Iha Covalima 100% Eskola hotu ho reativa ona no aprendijazen hotu la’o normal hanesan iha tinan kotuk).
Maske nune’e Edmundus rekonese dala ruma inan\aman estudante mak la fo sira nia oan mai eskola tan tauk ho pandemia Corona Virus, tan ne’e Edmundus hatete ida e’e bele fo mos impaktu ba estudante sira wainhira hasoru ezame.
“Dala ruma estudante balu sira nia inan aman mak la fo sira hodi ba eskola tamba deit ta’uk ho pandemia Covid-19, ho ida ne’e bele fo difikulta estudante sira wainhira hasoru ezame. Dehan Edmundus.
Hatan ba Radio Cova Taroman kona kriteria sira husi ministerio saude ninian, Edmundus konsidera ida ne’e hanesan limitasaun balu deit liu liu kona ba distansiamentu sosial tanba ne’e Ministerio Edukasaun liu husi servisu edukasuan Municipal fo orientasaun ba eskola sira atu fahe aula ho sistema semana sim no semana não nune’e bele kontrolu estudante sira kona ba distansiamentu sosial ne’e.
“Bazeia kriteria sira ne’ebe mak fo sai hosi Ministerio Saude no Ministerio Eduksaun kona destnsaimentu sosial ba labarik sira ne’ebe mak hala’o sira nia aprendijazen iha aula laran ne’e ,ami kolabora ho eskola sira liu liu ba professor atu bele fahe estudadte sira ba iha grupo rua kada aula, hodi tama troka malu, ho maneira; horas sim, horas não,dia sim, dia não, ou semana sim semana não’. Edmundus hakotuk.
Jornalista :Tynho & Jhony
Editor :Chamot Nahac
