Covalima (RCCT) 05-02-21-Relasiona pasiente na’in 1 iha Quarentine nebe Positivu Covid-19 mak pessoal Labaratoriu nain 7 obrigatorio tama Quarentina iha Hotel Elivan Suai hodi Kumpri regras Prevensaun Covid-19.
“Sira nebe mak halo atendementu iha Quarantena Suai ate agora seidauk iha posiblidade atu fila ba ida idak nia uma, sira mos sei kumpri, hodi halo Quarantena ba sira ba durante loron sanulu resin haat nia laran” Katak Diretur Servisu Saude Municipio Covalima ba Jornalista sira iha Nia K’nar fatin Suai Sexta Feira (05-04-21)
Diretur Filipe Fundamenta Pessoal Saude ka tekniku laboratoriu na’in 7 ne’e lolos ohin halo ona rotasaun maibe tanba amostra ba pasiente nebe Positivu Covid-19 ne’e sira mak halo Atendementu, ho nune’e tekniku sira ne’e tenki kumpri lai Quarentena durante loron 14.
“durante ne’e sira hamutuk ho pasiente pozitivu iha Quarentena tan ne’e sira tenki Kumpri lai loron 14 iha Quarentena, hafoin halo teste ba sira mak rezultadu negativu mak sira foin bele fila ba sira nia uma hodi hamotuk fali ho familia sira.” Tenik Diretur Filipe.
Liga situasaun nebe halo paniku Komunidade ne’e mak Diretur Filipe Apelu ba Publiku tenki kumpri nafatin regra Saude Mundial hodi Prevene an no ema seluk husi da’et Covid-19. Nia husu atu ema hotu nebe ninia familia foin fila husi Indonesia liu husi dalan illegal, atu lalais informa ba autoridade sira hodi bele kontaktu ba Saude atu bele halo deslokasaun mai iha Quarentena nune’e bele Prevene daet moras Covid-19.
Jornalista : Saturnino Soares
Editor : Chamot Nahac
