Covalima ( RCCT ) 08-03-21, Dalan la impede Ekipa Distribuisaun Fos ba Komunidade Afetadu iha Postu Administrativu Fatumea maske Ekipa tenki dada baskolante nebe tula fos tanba kondisaun Estrada tahu halo rai belit no namdoras no susar ba transporte nebe laiha trasaun atu bele utrapasa no to’o ba Fatumea.
Tamba ne’e Xefe do Suco Belekasak Leonito Gusmão hanesan membro EKSES-COVID20 sanak Covalima wainhira trasporta fos sakas 680 ba Postu Administrativu fatumeas iha Domingo (07-03-21), iha dalan klaran hafoin haotuk ho ekipa esforsa hasa’e kareta baskolante nebe mout iha tahu laran, Leonito husu ba Ministerio Relavante atu imidiatamente hadia Estrada dirasaun Postu Administrativu Tilomar to’o Fatumea.
“Husu ba Ministerio Obras Publiká atu hadi’a dalan iha Municipio Covalima, liu liu iha Posto sira hanesan Posto Fatumea,Fohorem, no Fatululik, atu nune’e bainhira iha situasaun difisil hanesan ne’e ita bele rezolve lalais problemas komunidade sira ni’an, liu liu iha situasaun Covid 19 nia laran, nune’e husi ba MOP atu hadia lalais Dala husi Tilomar to’o Fatumea” Dehan Membro EKSES-COVID20 Xefe Suco Belekasak Leonito Gusmão ba RCCT.
Entertanto tuir observasaun direita husi tereno, Jornalista RCCT nota katak kondisaun Estrada dirasaun husi Posto Tilomar liga ba Posto Fatumea kondisaun estrada ladi’ak nebe difikulta Transporte Publiku no Comunidade sira atu asesu ba Merkadoria Municipal.
Jornalista : Saturnino Soares
Editor : Chamot Nahac
