Covalima (RCCT) 02-02-24—Diretór Servisu Terras Propriedade no Kadastru Covalima Carlos Caetano relata, provizoriamente seidauk halo kontratu arendatorio ba investimentu bo’ot, maibe Covalima hanesan fatin estratezia ne’ebé iha futuru sei lori investor barak iha area agrikola no kariasaun animal sira mai investe iha covalima.
Diretór Servisu Terras Propriedade no Kadastru Munisipiu Covalima, Carlos Caitano, dehan dadaun foin mak iha kontratu arendamentu normal ho tipu arendamentu rezidensia normal ho komersial.
“Ita foin maka iha kontratu arendamentu residensia normal ho komersial normal, maibe ita seidauk iha tipu investimentu bo’ot maibe ba futuru ita nia munisipiu fatin ba estratejiku ne’ebé tuir planu kompaña barak hakarak atu mai investe iha ita nia Munisipiu Covalima liliu iha area agrikola no mos iha kriasaun de animal, ne’ebé ita sei prepara kondisaun ba investedor sira atu nune’e sira bele mai iha ita nia munisipiu sira mos bele estabelese investimentu bo’ot sira, atu nune’e ita bele iha kontratu tipu arendamentu de investimentu, provisoria ita sei la’o normal ho kontratu ne’ebé maka ita nia komunidade utiliza bens imovel estadu no mos privadu abandonadu ne’e na’in sira husik hela iha tempu okupasaun Indonezia” nia informa Kinta (01/02) iha nia Servisu Fatin.
Nune’e Carlos Caitano apela ba komunidade sira ne’ebé utiliza propritaria estadu hanesan rai no uma atu bele halo prosesu dokumentu iha terras atu nune’e hodi hetan legalidade nune’e bele kumpri dever hodi hasa’e reseitas no kontribui ba kofre estadu.
“Terras atu fo hanoin ba komunidade sira hotu ne’ebé maka utiliza bens imovel estadu, bens imovel privadu abandonadu, bens impvel domino publiku estadu ne’ebé maka agora utiliza hela ba fins de residensia, fins de komersial loja ka edifisiu ruma atu mai ita terras proriedade halo prosesu tuir legalidade ne’ebé mak iha atu nune’e ema hotu hotu ne’ebé iha Timor laran liliu ha iha ita nia munisipiu Covalima kuandu kumpri hotu ona ninia dever automatikamente reseitas la’os ita maka atu buka maibe reseitas ne’e sa’e rasik no reseitas ne’e ba kaixa jeral estadu ba povu Timor laran tomak” nia dehan.
Entretantu Diretor Carlos Caetano dehan kuandu emprezariu bo’ot sira maka mai investe iha Covalima liliu ba iha area agrikola maka iha futuru terras propriedade mo kadastru covalima sei hetan reseitas ne’ebé bo’ot hatama ba kofer estadu.
Jornalis : Julio Salinas.
Editor : Chamot Nahac
