Covalima (RCCT) 14-02-25-Tuir Sekretariu Munisipal Administrasaun Finansas no Rekursu Humanu Munisipiu Covalima, Alberto Moniz de Araujo, dehan tuir planu estadu Timor-Leste deside ona Munisipiu Covalima sei sai sidade industria iha futuru, nune’e ema persija tebes hetan atendimentu ba moris ne’ebé Seguru ka siguransa sosial ba sira nia pesoal.
Sekretariu Munisipal Administrasaun Finansas no Rekursu Humanu Munisipiu Covalima, Alberto Moniz de Araujo, dehan lia ne’e relasiona ho sosializasaun konaba siguransa sosial ka seguru ba moris ne’ebé Federal Insurance Timor S.A (FIT S.A) hala’o iha salaun admistrasaun Covalima Kinta (13/02) foin lalais.
“Ita hotu hatene katak estadu nasional fo sai ona katak aban bainrua Covalima sei sai sidade industria iha Timor-Leste, tan ne’e klaru tinan lima oin mai tan, ita sei iha dezenvolvimentu lubuk ida, tan ne’e ho prezensa Federal Insurance Timor S.A (FIT S.A) mai iha Covalima nia servisu hamutuk ho governu no hetan lisensa husi Banku Central Timor-Leste (BCTL) atu nia bele loke insurance ida ne’e iha munisipiu sira hotu” informa Sekretariu Munisipal Administrasaun Finansas no Rekursu Humanu Munisipiu Covalima, Alberto Moniz de Araujo iha salaun Administrasaun Munisipiu Covalima (13/02).
Alberto subliña liu husi desiminasaun ne’ebé hala’o husi Federal Insurance Timor S.A (FIT S.A) hodi fo hanoin ba parseiru dezenvolvimentu sira bele hetan informasaun ne’ebé adekuadu hodi hatutan ba iha publiku.
“Ohin sira halo desiminasaun iha ne’e sira alarga ona mai iha Munisipiu Covalima, tanba ne’e Federal Insurance Timor S.A (FIT S.A) konvida parseiru dezenvolvimentu sira hanesan Camra Comersiu Industria Munisipiu Covalima, banku sira ne’ebé ejiste iha Covalima inklui diretór kompañia sira, nune’e sira bele hetan informasaun ida ne’ebé naton no adekuadu atu nune’e sira bele hodi divulga tutan tan ba sira nia funsionariu ka trabalador sira, liliu ba kompañia sira atu nune’e sira nia traballador sira bele hetan asuransi husi Federal Insurance Timor S.A (FIT S.A)” nia dehan.
Enkuantu Sekretariu Munisipal Administrasaun Finansas no Rekursu Humanu Munisipiu Covalima, Alberto Moniz de Araujo, dehan hanesan autoridade sente orgullu tanba Federal Insurance Timor S.A bele mai hala’o seminariu ida ne’e hodi partilla informasaun ligadu ho sira nia vizaun ho misaun hodi estabelese iha iha Covalima, hodi fo asistensia ba komunidade persija konaba siguransa sosial ka seguru ba moris.
Jornalista : Julio Salinas
Editor : Chamot Nahac
