Covalima (RCCT) 18-03-25-Munisipiu Covalima Preparadu simu vizita Prezidente Republika (PR) Jose Manuel Ramos Horta, ne’ebé sei sama ai tan iha Covalima hahu loron 26-29 fulan marsu 2025.
Prezidente Komisaun Organizador ba vizita Prezidente Republika (PR), Filomeno Cardoso, Autoridade Munisipiu Covalima, forma ona komisaun organizadora ne’ebé akomulativu hahu Prezidente Autoridade, Sekretatiu Munisipiu Na’in tolu, diretór Servisu Munisipal no diretór Delegasaun Teritorial, Administrador Postu hitu inklui PNTL no F-FDTL, involve hodi halo preparasaun ba ba vizita prezidente republika iha Covalima.
“Liga ba ita nia komisaun preparasaun ba vizita Prezidente Republika, mai iha ita nia Munisipiu Covalima iha loron 26-29 fulan Marsu, ne’ebé ita konsege halo ona enkontru preparasaun ba datoluk ni’an, ne’e ita bele dehan enkontru final nian, hodi halo preparasaun ba ita nia Prezidente nia vizita ida ne’e” informa Prezidente Komisaun Organizador, Filomeno Cardoso, ba Jornalista sira hafoi remata enkontru komisaun ba dala ikus ne’ebé hala’o iha salaun ba Dame CNE Munisipiu Covalima Tersa (18/03).
Filomeno afirma, atividade animasaun iha ambitu vizita Prezindete Republika, hanesan kuda halai taru mos preparadu atu realiza iha Suku Suai Loro.
“Ita nia preparasaun agora kuaze pursentu 100 ona iha suku Suai Loro ne’eba, ba fatin halai kuda ninian, no iha ne’eba Prezidente Republika rasik hakarak asisti mos iha parte futu manu ninian, ne’ebé iha ne’eba fatin mos preparadu ona husi ita nia Vise Ministru Obras Publiku rasik maka prepara iha loron hirak liu ba, ne’ebé ita nia preparasaun kuaze pursentu 100 hodi hein loron ba vizita Prezidente Republika ne’e rasik” nia dehan,
Prezidente Komisaun Organizador, Filomeno Cardoso, seidauk serteja ho orsamentu ne’ebé sei jere ba komisaun oraganizadora ho seksaun hamotuk 15 hodi halo preparasaun ba vizita PR iha munisipiu Covalima.
Jornalista : Julio Salinas
Editor : Chamot Nahac
