Covalima-PNTL Sei Kontinua Intensifika Operasaun Rigor iha Linha Fronteira.

Photo RCCTmedia
Edificio PNTL Covalima

Jornalista                : Tynho & Jhony

Editor                       : Chamot Nagac

Covalima-06-08-2020-PNTL sei kontinua halo operasaun nebe rigor hodi prevene Covid-19 la bele tama mai Timor Leste liu husi Fronteira terestres ligado ho Xefe Estado Francisco Guterres Lú Olo, kinta (06/08/2020), ofisializa dekreta tan estadu emerjensia ba dahaat atu alerta populasaun hotu kumpre regra husi Organizasaun Mundiál Saúde  no Ministériu Saúde atu Fase liman bei-beik uza maskara no halo distansiamentu sosial.

Lia hirak ne’e hato’o hosi komandante PNTL-Covalima Super-Intendente Antonio Maria de Sa Ba Jornalista RCCT Kna’ar Fatin Quarter Gearal PNTL Munisipio Covaliam Quinta Feira ohin 06/08/20).

“Covid-19 ne’e afeita ba mundu tomak, inklui Timor Leste no mos ita nia Municipio Covalima, tanba ne’e iha Covalima kontinua nafatin intensiva iha operasaun hodi fo siguransa nebe rigor iha Linha  fronteira ninian”.

Komandante Antonio mos husu Polisia Unidadde Patroliamentu Fronteira (UPF) no F-FDTL nebe destakado iha linha fronteira atu mantein siguransa iha area fronteriza ho intensivo no rigorozu liu tan hodi prevene komunidade sira atu labele halo movimentu Ilegais.

Tan ne’e Comandante PNTL ne’e mos husu ba Komunidade Sira iha Municipio Covalima, atu apoio Seguransa sira nune bele fasil hodi identifika ema ne’ebe halo movimento ilegal liu husi  linha fronteira.

“ Husu Komunidade sira hotu hato’o lalais mai iha parte seguransa ninian wainhira hasoru ema balu hala’o movimentu Ilegais, atu nune’e ita bele halo prosesu ba ema hirak ne’e, hanesan mos asaun ida atu ita bele prevensaun ba Covid-19 ne’e atu labele da’et mai to’o Timor Leste liliu da’e ba komunidade Covalima oan sira, tan ne’e husu mos ba komunidade sira atu nafatin kompri regras sira nebe mai husi Ministerio Saude no organizasaun saude mundial ninia atu nune’e it abele evita aan husi da’et Covid-19”. Tenik Komandante Polisia Municipio Covalima, Antonio Maria de Sa.