Covalima (RCCT)11-04-24-Autoridade Munisipiu Covalima liu husi Servisu Munisipal Administrasaun no Rekursu Humanu (SMARH) simu aplikante hamotuk 330 ne’ebé kompete ba vaga ho kategoria Servisu Administrativu Apoiu Suku ba ema na’in 120, kada suku ida vaga 4 ba pozisaun sira mak hanesan Sekretaria Administrastivu Suku vaga 1, Ofisial finansas suku vaga 1, Ofisial Administrasaun Suku vaga 1 no Ofisial Sosiais Suku vaga 1.
Diretór Servisu Munisipal Administrasaun no Rekursu Humanu (SMARH), Jose Manuel Gonçalves relata, husi total aplikante 330 ne’e, iha deit ema na’in atus rua resin mak admitidu iha selesaun dokumentu hodi kontinua ba faze intrevista ne’ebé sei realiza iha loron 17 fulan abril ne’e.
“Iha atus tolu resin ne’e, ida ne’ebé mak pasa ne’e iha atus rua liu,atus ida liu mak la pasa tanba latuir kriteria ne’e ita iha, liu liu balu sira balu la asina CV, iha selesaun dokumentu ita hare rekerementu ne’ebe diriji ba laloos, entaun sira ne’e ita konsidera la seriu atu aplay ba vaga ida ne’e. Depois dia 17 fazze intrevista fo tempu durasaun semana ida para ami foin fo anunsio rejultadu katak sira ne’ebe maka pasa no laliu iha faze intrevista ne’e” Relata Diretór Servisu Munisipal Administrasaun no Rekursu Humanu (SMARH), Jose Manuel Gonçalves ba Jornalista sira iha nia knar fatin, Kinta (11/04).
Diretór Servisu Munisipal Administrasaun no Rekursu Humanu (SMARH), Jose Manuel Gonçalves mos informa depois remata hala’o intrevista ba aplikante sira ne’ebé pasa iha selesaun dokumentu, rezultadu ikus sei anunsia iha fulan abril nia laran.
Entretantu total aplikante nain 330 ne’e kompstu husi Suku 30, Postu Administrativu 7, maka hanesan; Postu Administrativu Fatumea iha aplikante na’in 27, Fatululik 19, Fohorem 34, Maukatar 36, Suai 71, Tilomar 43 no Postu Administrativu Zumalai iha aplikante na’in 100.
Jornalista : Moichung
Editor : Chamot Nahac
