Covalima (RCCT) 09-03-2023, Diretora Serbisu Saude Munisipiu Covalima, Maria Fatima Moniz, kampana nasional vasinasaun intergradu ne’ebe lansa iha loron 12 fulan Janeiru to’o loron 28 fulan Fevereiru 2023 Munisipiu Covalima hetan susesu ba iha kampana nasional vasinasaun integradu lao diak tanba hetan partisipasaun husi komunidade, hetan susesu ida ne’e esforsu maka’as hosi parte hotu iha lina kordenasaun ho autoridade lokal sira hodi halao programa ida ne’e maka halo Covalima hetan susesu.
“kampana nasional vasinasaun integradu ba iha vasinasaun polio, OPV, PCV, Sarampu, Vitamina A ho albenazol, ne’ebe ita hahu iha 12 de Janeiru remata iha 28 de Fevereiru 2023, durante ne’e ita halao ho esforsu tomak husi parte hotu tantu iha lina kordenasaun ho autoridade lokal sira, parte polisia, ita serbisu hamutuk hodi halao programa ida ne’e no Covalima hetan susesu, susesu ida ne’e laos saude mesak maibe susesu ida ne’e ita hotu nian, tanba ida ne’e maka ohin ita halo avaliasaun para hodi haree atu nune’e programa ida ne’e sai hanesan referensia ba ita, para nune’e programa saude sira seluk mos ita bele serbisu hamutuk nafatin atu nune’e saude bele lao ho diak” informa Diretora Serbisu Saude Munisipiu Covalima, Maria Fatima Moniz, iha nia intervensaun hafoin halo avaliasaun serbisu ba iha kamapana nasaional vasina integradu, ne’ebe halao iha Polo Saude Covalima Kinta (09/03).
Nia afirma Serbisu Saude Munisipiu Covalima iha grupu alvu tarjeto ba iha kampana ninian ne’ebe maka ki’ik ne’e iha rihun-6.883 ne’ebe iha implementasaun segundu semana kobre ona pursentu 100 resin, husi ida ne’e haree katak rezultdadu ladun diak.
“Atu hatete deit katak iha emunerasaun ita iha grupu alvu ba tarjetu kampana ninian ne’ebe maka ki’ik ne’e iha rihun-6.883, ne’ebe iha implementasaun segundu semana ita kobre kedas pursentu 100 resin ho ida ne’e ita haree katak rezultadu ne’e ladun diak tanba atinje ona liu pursentu 100, entaun ami iha komitementu ho konsultan iha Covalima ninian ho xefe sentru saude na’in-7 hodi bele haree ba iha alvu hodi hasae ba iha tarjetu rihun-7.983, nafatin ita halao ida ne’e kobre liu husi tarjetu ne’ebe iha hodi hasae ba rihun-1.100, tan ne’e iha atinjementu ita kobre liu husi pursentu 16, ita ba iha rihun 8.272 signifika katak ita hetan ita hetan pursentu 102.3, ida ne’e kobertura atinjimentu ida ne’ebe diak ita Covalima mos sai primeiru segundu lugar maibe ita hasae ita nia tarjetu ba iha kesempitan” nia deklara.
Nia dehan laos hetan primeiru segundu lugar ne’e mak sai importansia maibe importansia maka alvu ba oan sira bele kobre hotu iha baze ida ne’e maka objetivu MS nian mos katak labele husik labarik ida iha kotuk atu sira hetan hotu imunizasaun iha kampana ida ne’e.
Diretor Nasional Orsamentu Jestaun Finansas Ministeriu Saude, Miguel Maria, haktuir programa ida ne’e lansamentu iha 12 de Janeiru, iha momentu ne’eba bainhira deside halao kampana nasional vasinasaun intergradu hasoru dezafius barak tanba ligadu ho udan, anin no mota boot, maibe grasa deus buat hotu bele lao diak.
“ita nia programa ida ne’e lansa iha 12 de Janeiru no momentu ne’eba deside kampana nasional vasinasaun integradu ida ne’e bainhira ita tama ba tinan foun tama kedas ho programa ida ne’e, ne’ebe dezafius ne’e barak iha nasional mos koalia ona parese ita sei hasoru ligadu ho tempu udan, anin boot no mota boot, maibe grasa deus buat hotu bele lao diak” nia dehan.
Diretor Nasional Orsamentu Jestaun Finansas Ministeriu Saude, Miguel Maria, kongratula partisipasaun komunidade iha kampana nasional vasinasaun integradu iha Covalima maka’as tebes.
“Iha primeiru dia bainhira ita lansa kampana nasional vasinasaun integradu ne’e sinal hatudu katak partisipasaun komunidade iha Covalima ne’e lao maka’as tebes” nia dehan.
Reprezentante Administrador Munisipiu Covalima, Francisco Mendomca ““Tatamero” haktuir politika oitavu governu konstituisional liu husi Ministeriu Saude ninia programa ne’e barak tebes hanesan mos ministeriu sira seluk, tan ne’e husi saude ninia alvu ne’e konbinante ema hotu-hotu liliu populasaun maka sai pasiente alvu ba tratamentu saude.
“oitavu governu liu husi Ministeriu Saude iha nafatin atividade ida ne’e husi saude sempre nia alvu ne’e konbinante ema hotu-hotu, populasaun maka sai pasiente alvu de tratamentu saude, tanba ne’e maka programa ne’e diak ba saude ba ema hotu-hotu husi ferik, katuas ba to’o labarik sira’” informa Reprezentante Administrador Munisipiu Covalima, Francisco Mendomca ‘Tatamero’ iha nia diskursu hafoin loke abertura avaliasaun kampana nasional vasina integradu iha Polo Saude Munisipiu Covalima.
Entertantu partisipa iha avaliasaun kampana nasional vasina integradu hetan partisipasaun husi reprezentante Ministeriu Saude, atual Diretor Nasional Orsamentu Jestaun Finansas MS, Miguel Maria, Reprezentante Administrador Munisipiu Covalima, Francisco Mendomca ‘Tatamero’ Diretora Serbisu Saude Munisipiu Covalima, Maria Fatima Moniz, Administrador Postu Administrativu Zumalai, PNTL, xefe sentru saude na’in-7 inklui pesoal saude sira hotu.
Jornalista : JS
Editor : CN
