.png)
Atividade pose ba membru asembleia postu ne’e, Autoridade Munisipal sira kolokadu ba kada postu hodi fo asistensia teknika ba susesu serimonia ne’e. Nune’e Sekretariu Autoridade Munisipal ba asuntu Administrasaun no Finansas, Alberto Monis de Araujo, destakada iha postu administrativu suai hodi diriji pose ba membru asembleia postu sira ho mandatu durante tinan rua hodi hala’o funsaun atu tetu no disidi programa sira ne’ebé sai prioridade iha postu hafoin aprenzenta ba iha munispiu.
“Ohin ami hetan ona legalidade tanba hetan ona auto pose ba membru asembleia postu administrativu hamutuk ema na’in-22, iha membru asembleia ida ne’e planu ba oin ami sei deside liu mak halo evaluasaun ba projetu ne’ebé mai husi Programa Nasional Dezenvolvimentu Suku (PNDS), Planu Integradu Munisipal (PIM) no grande projetu sira, ida ne’e maka ami nia ordem de traballu ida planu ba oin, ami sei bolu membru asembleia atu halo planu prioridade proposta ba planu investimentu integradu munisipal ba tinan 2025 nian, oinsa atu deside prioridade proposta hira hodi bele submete ba iha munisipiu tuir planu ne’ebé iha, ami nia mata dalan maka ba asembleia nian oinsa para atu deside foti desizaun tuir regulamentu ne’ebé iha” nia informa.
“Ba oin ami iha planu atu atende ami nia povu iha postu fohorem, ami membru na’in 19, delegasaun husi saúde, agrikultur, edukasaun, lia na’in, veteranu, xefe suku, delegadu/a, joven feto mane, atu bele atende ami nia povu iha fohorem” Prezidente Asembleia Postu, Administrador Postu Administrativu Fohorem, Delfim Amaral Ferreira, esplika ba RCCT iha Salaun Administrasaun Postu Fohorem.
Entertantu tuir informsaun ne’ebé RCCT Asesu, hadoin simu pose, Prezindete Asembleia Postu ho membru sira iha Postu hitu hala’o kedas Evolusaun ba planu programa sira ne’ebé sai prioridade iha suku no aldeia hafoin Aprezenta proposal ba iha munisipiu hodi halo diskusaun no hetan paraser iha Konsellu Kordenasaun Munisipal (KKM) liu husi Konsellu Konsultivu Munisipal.
Jornalista : Julio Salinas
Editor : Chamot Nahac
