Maukatar (RCCT) 01-12-23—Tuir relatoriu ne’ebé husi organizasaun internasional sira mak destakadu iha Covalima fo sai katak durante ne’e iha Postu Administrativu Maukatar rejista kazu Mal-nutrisaun as.

Relasiona ho informasaun ne’e Administrador Postu Administrativu, Maukatar Constantino do Carmo Cardoso, husu ba extensionista no pesoal saúde sira atu halo analiza ba kazu mal nitrisaun iha Maukatar ne’e.

“Ba funsionariu delegasaun teritorial iha ne’e saude ninian, extensionista husi Ministeriu Agrikultura no Peska ninian, ha’u rona beibeik enkontru iha World vision iha fatin ne’ebé deit ema relata katak Maukatar Mal-nutrisaun as tebes, maibe dala ruma ha’u husu ho ha’u nia lian maka’as tebes ka lae ita bo’ot haree katak Mal-nutrisaun as iha postu Maukatar, atu evita problema Mal-nutrisaun iha postu Maukatar husu ita bo’ot sira ne’ebé matenek ba to’os nain liliu extensionista no parte saude sira tenke haree kauza ne’e ho didiak labele ema ida fo relatoriu imi tolan tomak deit, maibe imi tenke lee ema nia relatoriu” deklara APA Maukatar Constantino do Carmo Cardoso iha nia diskursu iha serimonia hatun bandeira nasional ba selebrasaun loron proklamasaun independensia 28 Novembr 2023 ba dala 48

Administrador Postu Maukatar ne’e mos husu ba foinsae sira atu kolabora hamutuk ho extensionista no ema saude sira hotu paraevita Mal-nutrisaun iha Maukatar.

“Enkoraza mos ba juventude tenke kolabora hamutuk ho extensionista no ema saude sira iha ne’e, ba oin karik ha’u laiha ne’e ona ba mos ha’u lakohi rona tan Mal-nutrisaun ne’e as iha postu Maukatar, ha’u sempre hato’o no debate hatudu ha’u nia espertu ba iha munisipiu katak ha’u hanesan administrador la fiar pursentu 100 karik ita bo’ot sira dehan mai ami Mal-nutrisaun as tebes iha Maukatar, tanba razaun fundamentais katak hahan sira ne’ebé ema Suai han ne’e ita ema Maukatar mak fa’an iha merkadu nusa maka ema seluk bele nota katak ita rasik ema nota Mal-nutrisaun inposivel” nia dehan.

Entertantu Administrador Postu Administrativu Maukatar Cosntantino do Carmo Cardoso dehan lia ne’e iha nia deskursu ba serimonia hatun bandeira hodi komemora loron independensia ba dal 48 Postu Maukatar.

Jornalista : Julio Salinas

Editor : Chamot Nahac