COVALIMA—-Komisariu CNE destakadu Aileu no Covalima, Calistro Martins, husu ba Ofisial Supervizaun Eleitoral sira hotu iha Covalima tenke hamrik impasialidade no labele haliis ba kor ida ne’e ou ida ne’eba.
“Hanesan ne’e dutrina ida ne’e ne’ebe CNE fo ne’e tenke garante imparsialidade labele haliis ba kor ida ne’e ou kor ida ne’eba, agora sente tama hanesan parte familia boot orgaun administrasaun eleitoral ida ne’e ita nia hanoin ida deit labele mete ba partidaria ne’e haluha tiha, koloka o nia an imparsialidade hodi serbisu ba partidu politiku hotu ne’e ita laiha interese so ita iha interese oinsa prosesu atu fasilita ita nia eleitores sira bele ba vota iha loron votasaun” esplika Komisariu CNE destakadu Aileu no Covalima, Calistro Martins, ba jornalista sira hafoin fo formasaun ba OSE ne’ebe hala’o iha salaun Eskola Sekundaria Geral Publika (ESGP) Kinta (16/03).
Nia dehan CNE orgaun Independente atu fasilita no tau matan ba aktus eleitorais sira ne’e antes de loron eleisaun, loron eleisaun no depois de eleisaun no halo apuramentu iha sentru votasaun iha mumisipal no nasionàl depois aprezenta apuramentu ba tribunal rekursu hotu ona, CNE nia papel maka ida ne’e.
“CNE hanesan Orgaun Independente labele haliis ba grupu ida ne’e ka ou partidu ida ne’eba, ne’ebe se deit maka tama hakarak atu serbisu hamutuk ho CNE tenke koloka nia an hamrik imparsial labele mete tun sae” nia hakotu.(Azu)
