realiza Edukasaun Sivika ho nia tema hamutuk konsolida demokrasia no elisaun ba
poder lokal, ba feto potensial sira iha Munisipiu Covalima nune’e bele prepara
an kompete iha elisaun kamra Munisipal
Diretór CNE Munisipiu Covalima,
Hermegildo de Sena hateten Edukasaun Sivika ne’e realiza atu hodi hasa’e feto potensial
sira nia kuñesimentu ida ne’ebé di’ak hodi kompete iha elisaun kamra Munisipal
“Loron ohin
CNE nia Prezensia iha fatin ne’e konvida feto potensial ne’ebé mak ejisti iha
Munisipiu Covalima ami atu partilla informasaun sobre elisaun Kamba
Munisipal ne’ebé mak tinan rua mai tan
ita atu implementa iha ita nia munisipiu, entaun informasaun ne’ebé mak ami iha
ami sei la rai deit iha CNE, ami sei kanaliza ba kolega feto maluk sira no feto
potensial sira hodi nune’e bele prepara ita nia an, tanba diresaun sei barak
liu tan iha Munisipiu Covalima entaun antes ne’e CNE fahe ona informasaun ba
ita bo’ot sira hotu karik elisaun ne akontese iha 2025 ou 2026 entaun feto
potensial ne’ebé mak eziste iha munisipiu covalima la hakfodak ona tanba ita
iha informasaun ona.” Diretór CNE Munisipiu Covalima, Hermegildo De Sena hateten
Prezidente Autoridade Munispiu (PAM) Covalima,
Miguel Armada Cardoso “Razão” Husu ba
Feto Potensial sira atu kompete ho mane sira wainhira elisaun kamra Munisipiu mosu
iha tinan 2026.
“Feto sira
iha hanoin ona atu kompete, barak mak kompete ona ba xefe do suku mai tan tenke
kompete iha elisaun tuir mai ne’e mos tenke kompete labele husik ami mane sira
deit oras ida ami mane sira mak ba hela deit mos feto sira dehan nusa mak mane
deit entaun tenki koko hakat ba oin, fo korajen ba feto sira ho hirak ne’e mak
ohin loron liu husi tema ne’ebé mak iha atu partialla informasaun ne’ebé mak
klean konaba edukasaun Sivika konaba elisaun nian kona ba poder local, ha’u
fiar katak ita hotu hotu bele kompete no atu kompete ita tenkiser iha ona kuñesimentu
d’iak iha mos potensialidade ne’ebé kapas automatika mente hili” Prezidente Autoridade
Munispiu (PAM) Covalima, Miguel Armada Cardoso “Razão” relata
Entretantu formasaun ne’e hala’o iha
salaun Eskola Sekundaria Geral Publika Suai Partisipa Masimu husi Feto
Potensial sira ne’ebé eziste iha Munisipiu covalima
Jornalista: Moichung
Editor : Chamot Nahac
